ఓటీటీలో విడుదలైన భోళాశంకర్, స్ట్రీమింగ్ ఎక్కడంటే?
మెగాస్టార్ చిరంజీవి నటించిన భోళాశంకర్ సినిమా బాక్సాఫీస్ వద్ద ఘోర పరాజయాన్ని చవిచూసింది. మెహెర్ రమేష్ దర్శకత్వం వహించిన ఈ సినిమా, ప్రేక్షకులను ఆకట్టుకోలేకపోయింది. తమిళ హీరో అజిత్ నటించిన వేదాళం సినిమాకు రీమేక్ గా రూపొందిన భోళాశంకర్ సినిమా, థియేటర్ల వద్ద సందడి చేయలేక పోయింది. ప్రస్తుతం భోళాశంకర్ మూవీ ఓటిటిలో రిలీజ్ అయింది. నెట్ ఫ్లిక్స్ ఫ్లాట్ ఫామ్ ద్వారా అందరికీ అందుబాటులో ఉంది. భోళాశంకర్ తెలుగు, హిందీ, కన్నడ వెర్షన్లు నెట్ ఫ్లెక్స్ లో స్ట్రీమింగ్ అవుతున్నాయి. తమిళం, మలయాళం వెర్షన్లు ఇంకా రిలీజ్ కాలేదు. మరికొద్ది రోజుల్లో రిలీజ్ అవుతాయని తెలుస్తోంది.
భోళాశంకర్ కథ ఏంటంటే?
తన చెల్లెలి (కీర్తి సురేష్) చదువు కోసం శంకర్(చిరంజీవి) కోల్ కతాకి వెళ్తాడు. అక్కడ జీవనం కొనసాగించడానికి టాక్సీ నడుపుతూ ఉంటాడు. ఆ సమయంలో కోల్ కతాలో వరుసగా అమ్మాయిలు కిడ్నాప్ అవుతూ ఉంటారు. ఆ కిడ్నాపర్లను పట్టుకునేందుకు శంకర్ రంగంలోకి దిగుతాడు. ఆ తర్వాత ఏం జరిగింది? అసలు ఆ కిడ్నాపర్లకు, శంకర్ కి ఉన్న సంబంధం ఏమిటన్నదే కథ. భోళాశంకర్ సినిమాలో తమన్నా భాటియా హీరోయిన్ గా కనిపించింది. అక్కినేని సుశాంత్ కీలక పాత్రలో నటించారు. వెన్నెల కిషోర్, శ్రీముఖి, రష్మీ, హైపర్ ఆది, గెటప్ శ్రీను ఇతర పాత్రల్లో కనిపించారు. ఏకే ఎంటర్టైన్మెంట్స్ రూపొందించిన భోళాశంకర్ సినిమాకు మహతి స్వర సాగర్ సంగీతం అందించారు.
