Dilraju: 'బతుకమ్మ యంగ్ ఫిల్మ్ మేకర్స్ చాలెంజ్' పోస్టర్ విడుదల చేసిన దిల్ రాజు
ఈ వార్తాకథనం ఏంటి
తెలంగాణ యువతలోని ప్రతిభను వెలుగులోకి తేవడమే లక్ష్యంగా రేవంత్ రెడ్డి ప్రభుత్వం మరో కొత్త ప్రయత్నం చేపట్టింది. కళల పట్ల ఆసక్తి కలిగిన యువతీయువకులను ప్రోత్సహించేందుకు తెలంగాణ ఫిల్మ్ డెవలప్‌మెంట్ కార్పొరేషన్ (TFDC) 'బతుకమ్మ యంగ్ ఫిల్మ్ మేకర్స్ ఛాలెంజ్' పేరుతో షార్ట్ ఫిల్మ్స్, పాటల పోటీలను నిర్వహిస్తోంది. ఈ కార్యక్రమానికి సంబంధించిన పోస్టర్‌ను ప్రముఖ నిర్మాత, టీఎఫ్‌డీసీ ఛైర్మన్ దిల్ రాజు నిన్న విడుదల చేశారు. ఈ సందర్భంగా ఆయన మాట్లాడుతూ తెలంగాణ పాలన, సంక్షేమ పథకాలు, సంస్కృతి, చరిత్ర, పండుగలు, కళారూపాలు వంటి అంశాలను ఇతివృత్తాలుగా ఎంచుకొని యువత తమ ప్రతిభను ప్రదర్శించవచ్చని తెలిపారు.
Details
పోటీ నిబంధనలు
పోటీలో పాల్గొనే వారి వయస్సు తప్పనిసరిగా 40 సంవత్సరాల లోపు ఉండాలి. షార్ట్ ఫిల్మ్ గరిష్ఠ నిడివి 3 నిమిషాలు, పాటల గరిష్ఠ నిడివి 5 నిమిషాలు మించరాదు. వీడియోలు తప్పనిసరిగా 4K రిజల్యూషన్‌లో ఉండాలి. సమర్పించే కంటెంట్ పూర్తిగా ఒరిజినల్‌గా ఉండాలి. ఇది ఇంతకు ముందు ఎక్కడా ప్రదర్శించని, ప్రత్యేకంగా ఈ పోటీ కోసం రూపొందించినదై ఉండాలి.
Details
బహుమతులు
ప్రథమ బహుమతి: రూ.3 లక్షలు ద్వితీయ బహుమతి: రూ.2 లక్షలు తృతీయ బహుమతి: రూ.1 లక్ష కన్సోలేషన్ బహుమతులు: ఐదుగురికి ఒక్కొక్కరికి రూ.20,000 చొప్పున విజేతలందరికీ ప్రశంసాపత్రాలు, జ్ఞాపికలు అందజేయబడతాయి. ఎంట్రీలు పంపడానికి చివరి తేదీ సెప్టెంబర్ 30, 2025. పోటీలో పాల్గొనదలచిన వారు తమ వీడియోలను ఈమెయిల్ లేదా వాట్సాప్ ద్వారా పంపవచ్చు. ఈమెయిల్: [youngfilmmakerschallenge@gmail.com](mailto:youngfilmmakerschallenge@gmail.com) వాట్సాప్ నంబర్: 81258 34009 (వాట్సాప్‌కు మాత్రమే ఎంట్రీలు పంపాలి) సమర్పించిన ఎంట్రీలను నిపుణుల బృందం పరిశీలించి విజేతలను ఎంపిక చేస్తుందని నిర్వాహకులు వెల్లడించారు.