Year Ender 2024 : తెలుగు సినిమాలలో ఎంట్రీ ఇచ్చిన ముద్దుగుమ్మలు వీరే ?
ఈ వార్తాకథనం ఏంటి
2024 సంవత్సరం దగ్గర పడుతోంది. ఈ నేపథ్యంలో ఈ ఏడాది తెలుగు సినిమా ఇండస్ట్రీలో ఎంట్రీ ఇచ్చిన చాలామంది కొత్త హీరోయిన్లు పరిశ్రమలో తమ ప్రత్యేకమైన ముద్ర వేశారు.
తెలుగు చిత్ర పరిశ్రమలో అలా పరిచయం అయిన వారిలో భాగ్యశ్రీ బోర్సే, జాన్వీ కపూర్, రుక్మిణి వసంత్, ప్రీతి ముఖుందన్ వంటి ప్రముఖులు ఉన్నారు.
ఈ హీరోయిన్లు తమ నటన, అందం, ప్రత్యేకతతో ప్రేక్షకులను ఆకట్టుకున్నారు.
బాలీవుడ్ స్టార్ హీరోయిన్ దీపికా పదుకోన్ ఈ ఏడాది "కల్కి 2898 AD " సినిమాతో తెలుగు ఇండస్ట్రీలో అరంగేట్రం చేసింది.
ప్రభాస్, నాగ్ అశ్విన్ డైరెక్షన్లో ఈ చిత్రం సైన్స్ ఫిక్షన్, మైథలాజికల్ జానర్‌లో రూపొందించబడింది, ఇందులో ఆమె సుమతి పాత్రలో కనిపించింది.
వివరాలు
తెలుగు సినిమా ఇండస్ట్రీలో ఎంట్రీ ఇచ్చిన హీరోయిన్లు
మలయాళ నటి అన్నా బెన్ కూడా "కల్కి 2898 ఏడీ" చిత్రంతో తెలుగు ప్రేక్షకుల ముందుకు వచ్చారు. ఈ సినిమాలో కైరాగా ఆమె నటన అందరికీ ఆకట్టుకుంది.
భాగ్యశ్రీ బోర్సే టాలీవుడ్‌లో "మిస్టర్ బచ్చన్" సినిమాతో ప్రవేశించగా, రవితేజ సరసన నటించి ప్రేక్షకుల మనసులను గెలుచుకుంది. ఈ సినిమాకు హరీష్ శంకర్ దర్శకత్వం వహించారు.
నటి ప్రీతి ముకుందన్ 2024లో "ఓం భీమ్ బుష్" సినిమా ద్వారా టాలీవుడ్‌లో అడుగుపెట్టింది. తమిళనాడు తిరుచ్చిలో పుట్టి పెరిగిన ప్రీతి, అద్భుతమైన నటనతో తెలుగు పరిశ్రమలో గుర్తింపు తెచ్చుకుంది.
రుక్మిణి వసంత్ "అప్పుడో ఇప్పుడో ఎప్పుడో" చిత్రంతో టాలీవుడ్‌లో అరంగేట్రం చేసింది. 2023లో "రొమాంటిక్ సప్త సాగరదాచే" చిత్రంలో కూడా ఆమె ప్రదర్శన అందరినీ ఆకట్టుకుంది.
వివరాలు
తెలుగు సినిమా ఇండస్ట్రీలో ఎంట్రీ ఇచ్చిన హీరోయిన్లు
మిస్ వరల్డ్ 2017 కిరీటం గెలిచిన మానుషి చిల్లర్, 2024లో వరుణ్ తేజ్ సరసన "ఆపరేషన్ వాలెంటైన్" చిత్రంతో టాలీవుడ్‌కు పరిచయమైంది.
మలయాళ నటి అతిరా రాజి "కృష్ణమ్మ" చిత్రంతో 2024లో తెలుగు పరిశ్రమలో అడుగుపెట్టింది. ఈ చిత్రంలో ఆమె సత్య దేవ్‌కి జోడీగా కనిపించింది.
సిరి లెల్ల 2024లో "ప్రతినిధి 2" చిత్రంతో టాలీవుడ్‌కు పరిచయమైంది. ఈ సినిమా 2014లో వచ్చిన "ప్రతినిధి" సినిమా సీక్వెల్, ఇందులో ఆమె నారా రోహిత్ సరసన నటించింది.
సంయుక్త విశ్వనాథన్ 2024లో "చారి 111" చిత్రంతో టాలీవుడ్‌లోకి అడుగుపెట్టింది. ఈ చిత్రంలో ఆమె వెన్నెల కిషోర్‌తో కలిసి నటించింది.
వివరాలు
తెలుగు సినిమా ఇండస్ట్రీలో ఎంట్రీ ఇచ్చిన హీరోయిన్లు
భూమి శెట్టి, కన్నడ టెలివిజన్ సిరీస్ "కిన్నారి"లో తన పాత్రతో ప్రఖ్యాతి పొందింది. ఆమె 2024లో "చైతన్య రావు షరతులు వర్తిస్తాయి" సినిమాలో టాలీవుడ్‌లో అరంగేట్రం చేసింది.
హీరోయిన్ నయన్ సారిక కూడా 2024లో మూడు సినిమాలు చేసింది. "గంగం గణేషా" చిత్రంతో టాలీవుడ్‌లోకి పరిచయమైన ఆమె, "ఆయ్", "క" చిత్రాల్లో కూడా హీరోయిన్‌గా నటించింది.
ఈ ఏడాది కొత్తగా ఎంట్రీ ఇచ్చిన ఈ హీరోయిన్లు తెలుగు చిత్ర పరిశ్రమలో తమ ప్రత్యేకతను చూపించి, తమ నటనతో ప్రజల ఆదరణను పొందారు.