అఫీషియల్: రవితేజ టైగర్ నాగేశ్వర్ రావు విడుదల వాయిదాపై క్లారిటీ వచ్చేసింది
రవితేజ కెరీర్లో మొట్ట మొదటి పాన్ ఇండియా మూవీగా రూపొందుతున్న టైగర్ నాగేశ్వర్ రావు చిత్రంపై ప్రేక్షకుల్లో ఆసక్తి బాగా నెలకొంది. టైగర్ నాగేశ్వర్ రావు గ్లింప్స్ వీడియోకు ప్రేక్షకుల నుండి వచ్చిన స్పందన చూస్తుంటే ఆ విషయం క్లియర్ గా అర్థమవుతోంది. అయితే అక్టోబర్ 20వ తేదీన విడుదల కావాల్సిన టైగర్ నాగేశ్వర్ రావు సినిమా వాయిదా పడనుందని గత రెండు రోజులుగా వార్తలు వస్తూనే ఉన్నాయి. ఈ వార్తలకు చిత్రనిర్మాణ సంస్థ ఫుల్ స్టాప్ పెట్టింది. ప్రచారంలో ఉన్నట్టుగా సినిమా విడుదల వాయిదా పడటం లేదనీ, ఆల్రెడీ వెల్లడించిన ప్రకారం అక్టోబర్ 20వ తేదీన టైగర్ నాగేశ్వర్ రావు సినిమా విడుదలవుతుందని చిత్రబృందం వెల్లడించింది.
గజదొంగ పాత్రలో రవితేజ
1970వ దశకంలో ఆంధ్రప్రదేశ్ లోని స్టూవర్ట్ పురం గ్రామానికి చెందిన గజదొంగ టైగర్ నాగేశ్వర్ రావు జీవితకథతో ఈ సినిమా రూపొందుతోంది. టైగర్ నాగేశ్వర్ రావు పాత్రలో రవితేజ నటిస్తున్నారు. నుపుర్ సనన్, గాయత్రి భరధ్వాజ్ హీరోయిన్లుగా చేస్తున్నారు. అభిషేక్ అగర్వాల్ ఆర్ట్స్ బ్యానర్ లో రూపొందుతున్న ఈ సినిమాను వంశీ డైరెక్ట్ చేస్తున్నారు. రేణు దేశాయ్ ప్రత్యేక పాత్రలో కనిపిస్తున్న ఈ సినిమాకు సంగీతాన్ని జీవీ ప్రకాష్ కుమార్ అందిస్తున్నారు. టైగర్ నాగేశ్వర్ రావు తర్వాత రవితేజ నుండి ఈగిల్ అనే టైటిల్ తో సినిమా వస్తోంది. సంక్రాంతి కానుకగా ఈగిల్ రిలీజ్ అవుతుందని టాక్
