Manchu Manoj: 'గజపతి' లుక్ లో మంచు మనోజ్.. ఫస్ట్ లుక్ ఫోటో వైరల్!
'ఉగ్రం' ఫేం విజయ్ కనకమేడల దర్శకత్వం వహిస్తున్న మల్టీ స్టారర్‌ చిత్రం 'భైరవం'. టాలీవుడ్‌ హీరోలు మంచు మనోజ్, నారా రోహిత్, బెల్లకొండ సాయిశ్రీనివాస్‌లు ఇందులో నటిస్తున్నారు. ముగ్గురు హీరోలతో వస్తున్న ఈ చిత్రంపై ఇప్పటికే భారీ అంచనాలు నెలకొన్నాయి. శ్రీ సత్యసాయి ఆర్ట్స్ పతాకంపై జయంతిలాల్ గడ సమర్పణలో కె.కె. రాధామోహన్ ఈ చిత్రాన్ని నిర్మిస్తున్నారు. ఇప్పటికే ఈ మూవీ నుండి బెల్లంకొండ శ్రీనివాస్, నారా రోహిత్ ఫస్ట్ లుక్ పోస్టర్లు విడుదలయ్యాయి. తాజాగా మంచు మనోజ్ పోస్టర్‌ను కూడా చిత్రయూనిట్ రిలీజ్ చేసింది. ఈ పోస్టర్‌లో మనోజ్, గజపతి పాత్రలో నటిస్తున్నట్లు తెలిసింది.
పవర్‌ఫుల్‌ లుక్‌లో మంచు మనోజ్
ఈ పోస్టర్‌లో మనోజ్ వర్షంలో తడుస్తూ పవర్‌ఫుల్‌ లుక్‌తో మనోజ్ ఆకట్టుకున్నాడు. వర్షంలో కారు, గొడుగులు పట్టుకున్న ప్రజల మధ్య ఆవేశంతో కనిపిస్తున్న ఈ లుక్ ప్రస్తుతం సోషల్ మీడియాలో వైరల్ అవుతోంది. ఈ సినిమాలో ప్రియమణి కీలక పాత్రలో నటిస్తుండగా, ఇక నారా రోహిత్ వరద పాత్రలో కనిపించనున్నాడు. శ్రీచరణ్ పాకాల సంగీతం అందిస్తున్న ఈ సినిమా విడుదల తేదీని మేకర్స్ త్వరలోనే రిలీజ్ చేయనున్నారు.
