Viral video: మోహన్లాల్ను ఆటపట్టించిన మమ్ముట్టి,జయరామ్
మాలీవుడ్ దిగ్గజాలైన మమ్ముట్టి,మోహన్లాల్,జయరామ్లతో కూడిన ఓ వీడియో ఇప్పుడు సోషల్ మీడియాలో హల్చల్ చేస్తోంది. మెగాస్టార్ మమ్ముట్టి,నటుడు జయరామ్తో కలిసి పాత పాటకు డ్యాన్స్ చేసి ప్రేక్షకుల మనస్సులు దోచేస్తున్నారు. ఈ వీడియోలో వారు మరో మలయాళ దిగ్గజం మోహన్లాల్ను ఆటపట్టించడం కనిపించింది. మమ్ముట్టి, జయరామ్లు మోహన్లాల్ను తమతో బాటు డాన్స్ చెయ్యడానికి పిలిచారు. అయితే మోహన్లాల్ వారి డాన్స్ చూస్తూ సంతోషం వ్యక్తం చేశారు. సోషల్ మీడియాలో ఈ వీడియో చూసిన నెటిజన్లు, అభిమానులు సంతోషం వ్యక్తం చేస్తున్నారు. ఇక పోతే మమ్ముట్టి,జయరామ్ కలిసి అబ్రహం ఓజ్లర్ చిత్రంలో కనిపించారు.ఇది బాక్సాఫీస్ వద్ద విజయం సాధించింది. ఇటీవల మోహన్లాల్ నటించిన మలైకోట్టై వాలిబన్ చిత్రానికి ప్రేక్షకుల నుండి మిశ్రమ స్పందన లభించింది.