Pawan Kalyan: తుది దశకు చేరుకున్న హరి హర వీర మల్లు షూట్
పవర్ స్టార్ పవన్ కళ్యాణ్ తన సినీ జీవితంలో తొలిసారిగా పీరియాడికల్ యాక్షన్ డ్రామాగా రూపొందుతున్న 'హరి హర వీర మల్లు పార్ట్-1: స్వార్డ్ వర్సెస్ స్పిరిట్' చిత్రంలో నటిస్తున్నారు. ఈ సినిమా ప్రేక్షకులకు ఒక ప్రత్యేకమైన అనుభూతిని అందించాలనే ఉద్దేశ్యంతో,అత్యున్నత నిర్మాణ ప్రమాణాలతో తెరకెక్కిస్తున్నారు. ఇటీవల ఈ చిత్ర బృందం హాలీవుడ్ ప్రఖ్యాత యాక్షన్ దర్శకుడు నిక్ పావెల్ నేతృత్వంలో భారీ యుద్ధ సన్నివేశాన్ని విజయవంతంగా చిత్రీకరించింది. పవన్ కళ్యాణ్ సహా 400-500మంది కళాకారులతో రూపొందిన ఈ సన్నివేశం ప్రేక్షకులను ఆకట్టుకునేలా ఉందని బృందం విశ్వాసం వ్యక్తం చేసింది. 'హరి హర వీర మల్లు పార్ట్-1' షూటింగ్ చివరి దశలో ఉంది. ఈ వారాంతంలో విజయవాడలో చివరి షెడ్యూల్ ప్రారంభం కానుంది.
కీలక పాత్రలో బాబీ డియోల్
ఇందులో కీలకమైన కొన్ని ముఖ్యమైన సన్నివేశాలను చిత్రీకరించనున్నారు. పవన్ కళ్యాణ్ తో పాటు, ఈ చిత్రీకరణలో 200 మంది ఆర్టిస్టులు పాల్గొననున్నారు. ఈ షెడ్యూల్ పూర్తయిన తర్వాత, సినిమా నిర్మాణం పూర్తవుతుంది. ఈ చిత్రంలో ప్రముఖ బాలీవుడ్ నటుడు బాబీ డియోల్ కీలక పాత్రలో కనిపించనుండగా,నిధి అగర్వాల్ కథానాయికగా నటిస్తున్నారు. అనుపమ్ ఖేర్,నాజర్,రఘుబాబు వంటి ప్రముఖులు కూడా ఇందులో ముఖ్య పాత్రలు పోషిస్తున్నారు. ఆస్కార్ అవార్డు గ్రహీత ఎం.ఎం.కీరవాణి ఈ చిత్రానికి సంగీతం అందిస్తున్నారు. ఈ ప్రెస్టీజియస్ ప్రాజెక్ట్‌ను మెగా సూర్య ప్రొడక్షన్స్ పతాకంపై ఏ. దయాకర్ రావు నిర్మిస్తుండగా, ప్రముఖ నిర్మాత ఏ.ఎం. రత్నం సమర్పిస్తున్నారు. ఈ సినిమా మార్చి28న తెలుగు,తమిళం,మలయాళం,హిందీ, కన్నడ భాషల్లో ప్రపంచవ్యాప్తంగా గ్రాండ్ రిలీజ్‌కు సిద్ధంగా ఉంది.
