సలార్ విడుదలకు ముందే రికార్డులు.. రిలీజ్ అయితే సంచలనాలే!
ఈ వార్తాకథనం ఏంటి
కేజీఎఫ్ సినిమాతో రికార్డులు బద్దలుకొట్టిన డైరక్టర్ ప్రశాంత్ నీల్ దర్శకత్వంలో ప్రభాస్ హీరోగా సలార్ చిత్రాన్ని తెరకెక్కిస్తున్నారు. ప్రస్తుతం శరవేగంగా షూటింగ్ జరుగుతోంది. గతంలో ఈ మూవీ నుంచి విడుదలైన పోస్టర్స్ ఫ్యాన్స్‌కు పునకాలు తెప్పించాయి.
పాన్ ఇండియా హీరోగా పేరు సంపాదించుకున్న ప్రభాస్.. బహుబలి సినిమా తర్వాత సరైన హిట్ లభించలేదు. డైకర్టర్ ఓంరౌత్ తెరక్కిక్కించిన ఆదిపురుష్ టీజర్, పోస్టర్స్ అభిమానులను పెద్దగా అలరించలేదు. దీంతో ప్రభాస్ ఫ్యాన్స్ సలార్ మూవీపై ఎన్నో అంచనాలు పెట్టుకున్నారు.
భారీ వ్యయంతో రూపొందుతున్న ఈ సినిమాను ఈ ఏడాది సెప్టెంబర్ 28న రిలీజ్ చేయాలని ఇప్పటికే మూవీ టీం ప్రకటించింది.
సలార్
సలార్ ఓవర్సీస్ హక్కులు రికార్డు స్థాయిలో సేల్
సలార్ ఓవర్సీస్ హక్కులు రికార్డు స్థాయికి అమ్ముడుపోయినట్లు వార్తలు వస్తున్నాయి. అయితే దీనికి సంబంధించిన పోస్టర్స్‌ను అభిమానులు సోషల్ మీడియా వేదికగా షేర్ చేస్తున్నారు.
సలార్ ఓవర్సీస్ హక్కులు రూ. 90 కోట్లు అని, ఇప్పటివరకూ ఏ భారతీయ సినిమా ఇంత మార్జిన్‌తో ఓవర్సీస్ హక్కులు రాలేదని చెబుతున్నారు.
గతంలో బహుబలి 2 ఓవర్సీస్ హక్కులు రూ.70 కోట్లు, ఆర్ఆర్ఆర్ సైతం 68 కోట్లకు అమ్ముడుపోయాయి. ప్రస్తుతం ఓవర్సీస్ హక్కుల విషయంలో సలార్ అగ్రస్థానంలో నిలిచింది. దీంతో సినిమా ప్లాప్ అయినా ప్రభాస్ రేంజ్ తగ్గదని అభిమానులు కామెంట్స్ చేస్తున్నారు.
మరోవైపు ప్రభాస్ డైరెక్టర్ మారుతీ దర్శకత్వంలో ఓ ప్రాజెక్ట్.. నాగ్ అశ్విన్ డైరెక్షన్లో ప్రాజెక్ట్ కె చిత్రాలు చేస్తున్నారు.