Salman Khan Matrubhumi Trailer: సల్మాన్ ఖాన్ మాతృభూమికి ట్రైలర్‌కి సెల్యూట్‌ చెబుతున్న నెటిజన్లు
ఈ వార్తాకథనం ఏంటి
సల్మాన్ ఖాన్ నుంచి మరోసారి దేశభక్తి నేపథ్యంలోని సినిమా రాబోతోంది. 'మాతృభూమి: మే వార్ రెస్ట్ ఇన్ పీస్' పేరుతో తెరకెక్కిన ఈ మూవీ ట్రైలర్ నవంబర్ 10న విడుదలైంది. ట్రైలర్ చూసిన నెటిజన్లు సల్మాన్ నటనతో పాటు అందులో చూపించిన భావోద్వేగాలకు ప్రశంసలు కురిపిస్తున్నారు. భారత్-చైనా ఉద్రిక్తతల నేపథ్యంలో సాగిన కథలో యాక్షన్ ఉన్నప్పటికీ.. యుద్ధం చేయడం కంటే శాంతిని సాధించడమే అసలైన దేశభక్తి అనే ఆలోచనను దర్శకుడు ముందుకు తెచ్చారు. దీంతో సాధారణ వార్ మూవీలా కాకుండా భిన్నమైన సందేశంతో సినిమా కనిపిస్తోంది.
Details
గాల్వాన్ ఘటన స్ఫూర్తితో కథ
2020లో తూర్పు లద్ధాఖ్‌లోని గాల్వాన్ లోయలో భారత్, చైనా బలగాల మధ్య జరిగిన ఘర్షణల నేపథ్యాన్ని తీసుకుని ఈ సినిమాను రూపొందించారు.
తెలంగాణకు చెందిన మహావీర చక్ర అవార్డు గ్రహీత కల్నల్ బిక్కుమళ్ల సంతోష్ బాబు స్ఫూర్తితో సల్మాన్ పాత్రను తీర్చిదిద్దారు.
మొదట ఈ చిత్రానికి 'బ్యాటిల్ ఆఫ్ గాల్వాన్' అనే టైటిల్‌ను అనుకున్నారు. ఆ తర్వాత పేరు మార్చి 'మాతృభూమి'గా ప్రేక్షకుల ముందుకు తీసుకువస్తున్నారు.
Details
సైనికుల జీవితంలోని మరో కోణం
ట్రైలర్‌లో యుద్ధ సన్నివేశాలతో పాటు సైనికుల కుటుంబాల భావోద్వేగాలను కూడా చూపించారు.
దేశం కోసం సరిహద్దుకు వెళ్లే సైనికుడు తన కుటుంబాన్ని వదిలి వెళ్లే సమయంలో ఎదుర్కొనే బాధను కొన్ని సన్నివేశాలు బలంగా చూపిస్తున్నాయి.
సల్మాన్ పాత్ర కూడా కేవలం తుపాకీ పట్టుకుని పోరాడే సైనికుడిగా కనిపించదు. అవసరమైనప్పుడు కాల్పులు ఆపడం కూడా ధైర్యమేననే భావనను అతడి పాత్ర ద్వారా చెప్పించారు.
Details
డిసెంబర్ 4న థియేటర్లలోకి
అపూర్వ లాఖియా దర్శకత్వం వహించిన ఈ సినిమాను సల్మాన్ ఖాన్ స్వయంగా నిర్మించారు.
గతంలో ఓటీటీ రిలీజ్‌పై ప్రచారం జరిగినా.. ఇప్పుడు 'మాతృభూమి' థియేటర్లలోనే ప్రేక్షకుల ముందుకు రానుంది.
డిసెంబర్ 4న సినిమా విడుదల కానుంది. ట్రైలర్‌లోని యాక్షన్, భావోద్వేగాలు, దేశభక్తి అంశాలు ఇప్పటికే అంచనాలు పెంచడంతో.. సల్మాన్ అభిమానులు ఈ సినిమా కోసం ఆసక్తిగా ఎదురుచూస్తున్నారు.
ట్విట్టర్ పోస్ట్ చేయండి
సల్మాన్ ఖాన్ చేసిన ట్వీట్
Aaj release karoon ya kal ?
— Salman Khan (@BeingSalmanKhan) November 10, 2026
Jo kal kare so aaj kar, Jo aaj kare so ab.Enjoy the trailer….. #MaatrubhumiTrailer out now @IChitrangda @LakhiaApoorva #ZeynShaw #AbhishrriSen @JasonThamIndia @TheAnkurBhatia #HarshilShah #HeeraSohal #VipinBhardwaj @TanyaDesai4 #HimeshReshammiya… pic.twitter.com/kkeC4oVApb