Rolex: రోలెక్స్ పాత్ర కోసం 20ఏళ్లుగా దానికి దూరంగా.. ఆసక్తికర విషయాన్ని పంచుకున్న సూర్య
లోకేష్ కనగరాజ్ దర్శకత్వంలో కమల్ హాసన్ కథానాయకుడిగా నటించిన చిత్రం విక్రమ్. 2022లో విడుదలైన ఈ చిత్రం బాక్సాఫీస్ వద్ద అద్భుత విజయాన్ని సాధించింది. చిత్రంలో మొత్తం 20 నిమిషాల నిడివి ఉన్న కీలక ఘట్టాలు ప్రేక్షకులను అలరించాయి. డ్రగ్స్ మాఫియాను శాసించే రోలెక్స్ పాత్రలో సూర్య కనిపించారు.ఈ పాత్ర సూర్యకి ఒక ప్రత్యేక గుర్తింపును తెచ్చింది. ఈ సినిమాలో సూర్య పాత్ర కనిపించింది కొద్దిసేపే అయినా, థియేటర్‌ మొత్తం దద్దరిల్లిపోయింది. సూర్య తాజాగా తన కొత్త చిత్రం 'కంగువ' ప్రమోషన్లలో రోలెక్స్ పాత్ర గురించి ఆసక్తికరమైన విషయాలను పంచుకున్నారు. 20 సంవత్సరాలుగా ధూమపానానికి దూరంగా ఉన్న సూర్య, ఈ పాత్ర కోసం మళ్లీ సిగరెట్ త్రాగడం మొదలు పెట్టారు.
అందుకే సిగరెట్ కాల్చక తప్పలేదు: సూర్య
"ప్రతినాయక పాత్ర కావడంతో మరింత ఇంటెన్స్ గా ఉండాలనుకున్నానని,అందుకే సిగరెట్ కాల్చక తప్పలేదని చెప్పారు. సూర్య మాట్లాడుతూ,"సిద్ధమైన స్కెచెస్ ఆధారంగా మేకప్ ఆర్టిస్ట్ నన్నురెడీ చేశారు.నేను రిహార్సల్స్ కూడా చేయలేదు.షూటింగ్ రోజు ఉదయం నా డైలాగ్స్ పంపించారు"అని తెలిపారు. కమల్ హాసన్ పట్ల తన అభిమానం గురించి చెప్పిన సూర్య,"ఆయన ఎదుట నటించాలంటే కాస్త భయపడ్డాడని నాసన్నివేశాలు తీసే సమయంలో కమల్ హాసన్ సెట్ వస్తారని చెప్పారు.అందుకే నేను అయన వచ్చేలోపు నా సన్నివేశాలను పూర్తి చేయాలి'అని కోరుకున్నాను"అని తెలిపారు. రోలెక్స్ అనే ప్రత్యేక చిత్రం త్వరలో రానున్నదని,ఇది సూర్య నటించిన మరో చిత్రానికి కనెక్షన్ కలిగి ఉందని సమాచారం. ప్రస్తుతం,సూర్య నటిస్తున్న కంగువా చిత్రం నవంబర్ 14న ప్రేక్షకుల ముందుకు రానుంది.
