Tollywood: టాలీవుడ్‌లో టైటిల్ ట్రెండ్.. పాత టైటిల్స్.. కొత్త ప్రయోగాలు!
ఈ వార్తాకథనం ఏంటి
టాలీవుడ్‌లో పాత హిట్ పాటలను రీమేక్ చేయడం సాధారణమే కానీ, గతంలో భారీ విజయాన్ని సాధించిన సినిమాల టైటిల్స్‌నే మళ్లీ వినియోగించడం కూడా చాలా సార్లు చూశాం. ఈ పాత టైటిల్స్‌తో వచ్చిన కొత్త సినిమాలు కొన్ని సూపర్ హిట్‌లుగా నిలిచాయి, మరికొన్ని మాత్రం ఆశించిన స్థాయిలో నిలవలేదు. ఇప్పుడు అలాంటి సినిమాల జాబితా మీద ఓసారి దృష్టి వేయండి. 1. ఎన్టీఆర్ - ప్రభాస్ - అడవి రాముడు ఎన్టీఆర్‌కు మాస్ ఇమేజ్ తీసుకురాగలిగిన హిట్ సినిమా అడవి రాముడు. అదే టైటిల్‌తో ప్రభాస్ నటించిన సినిమా కూడా బి. గోపాల్ దర్శకత్వంలో తెరకెక్కింది కానీ యావరేజ్‌గా నిలిచింది.
Details
2. రాజేంద్ర ప్రసాద్ - ఎన్టీఆర్ - బృందావనం
కామెడీ కింగ్ రాజేంద్ర ప్రసాద్ సినిమా బృందావనం, అలాగే ఎన్టీఆర్ నటించిన రొమాంటిక్ ఫ్యామిలీ డ్రామా రెండూ హిట్‌గా నిలిచాయి. ఎన్టీఆర్‌కి ఈ సినిమా ద్వారా భారీగా లేడీ ఫ్యాన్ ఫాలోయింగ్ పెరిగింది. 3. ANR - మహేశ్ బాబు - శ్రీమంతుడు అక్కినేని నాగేశ్వరరావు నటించిన పాత సినిమా టైటిల్‌ను తీసుకున్న మహేష్ బాబు, ఆ సినిమాతో సూపర్ హిట్ అందుకోవడంతో పాటు తన నిర్మాణ సంస్థ GMB ఎంటర్‌టైన్‌మెంట్స్ ప్రారంభించారు. 4. ANR - రామ్ - దేవదాసు సినిమా చరిత్రలో క్లాసిక్‌గా నిలిచిన దేవదాసు టైటిల్‌తో రామ్ పోతినేని నటించిన తొలి సినిమా విడుదలై, సిల్వర్ జూబ్లీ హిట్‌ను అందుకుంది.
Details
5. నాగార్జున - అంజలి - గీతాంజలి
మణిరత్నం దర్శకత్వంలో నాగార్జున నటించిన గీతాంజలి భారీ హిట్ కాగా, అదే పేరుతో అంజలి ప్రధాన పాత్రలో వచ్చిన మరో సినిమా కూడా ప్రేక్షకుల్ని ఆకట్టుకుంది. 6. పవన్ కళ్యాణ్ - విజయ్ దేవరకొండ-ఖుషి పవన్ కెరీర్ బిగ్గెస్ట్ హిట్ అయిన ఖుషి టైటిల్‌తో విజయ్ నటించిన సినిమా ఆశించిన స్థాయిలో నిలవలేదు. 7. కే విశ్వనాథ్ - నిఖిల్ -శంకరాభరణం కళాత్మకంగా గణనీయమైన విజయాన్ని సాధించిన ఒరిజినల్ శంకరాభరణం, కానీ నిఖిల్ సినిమా మాత్రం డిజాస్టర్ అయ్యింది. 8.కమల్ హాసన్ - వరుణ్ సందేశ్ - మరో చరిత్ర బెంచ్‌మార్క్ సినిమా మరో చరిత్ర టైటిల్‌తో వచ్చిన వరుణ్ సందేశ్ చిత్రం మాత్రం ప్రేక్షకులను ఆకట్టుకోలేకపోయింది.
Details
9. బాలయ్య - శర్వానంద్ - నారి నారి నడుమ మురారి
బాలయ్య ఫైట్స్ లేకుండా చేసిన సూపర్ హిట్ సినిమా ఇది. అదే టైటిల్‌తో శర్వానంద్ సినిమా త్వరలో రిలీజ్ కానుంది. 10. శ్రీకాంత్ - రోషన్ - పెళ్లి సందడి శ్రీకాంత్ టైటిల్‌ను తనయుడు రోషన్ కొనసాగించాడు. రెండూ మంచి హిట్లు అయ్యాయి. ముఖ్యంగా రోషన్‌కు కెరీర్ బూస్ట్ ఇచ్చింది. అంతేకాదు మిస్సమ్మ, శక్తి, తొలిప్రేమ, అక్కడ అమ్మాయి - ఇక్కడ అబ్బాయి, ఆరాధన, ముగ్గురు మొనగాళ్లు, ఇద్దరు మిత్రులు, ఆడాళ్ళు మీకు జోహార్లు, మోసగాళ్లకు మోసగాడు, ఆ ఒక్కటి అడక్కు వంటి పాత టైటిల్స్‌తో ఎన్నో సినిమాలు వచ్చినా, వాటిలో చాలా వరకు ప్లాప్ అయ్యాయి. ఇవి చూస్తుంటే, టైటిల్ ఒక్కటే హిట్‌ను నిర్ణయించదనే విషయం అర్థమవుతోంది!