AA22: త్రివిక్రమ్-బన్నీ AA22 ప్రాజెక్టు వివరాలివే..!
ఈ వార్తాకథనం ఏంటి
టాలీవుడ్‌లో అత్యంత ఆసక్తికరమైన కాంబినేషన్లలో ఒకటైన త్రివిక్రమ్ శ్రీనివాస్ (Trivikram Srinivas)-అల్లు అర్జున్ (Allu Arjun) జోడీ గురించి మరోసారి చర్చ మొదలైంది.
ఇప్పటికే వీరి కాంబోలో వచ్చిన జులాయి, సన్నాఫ్ సత్యమూర్తి సినిమాలు బ్లాక్‌బస్టర్ హిట్స్‌గా నిలిచాయి.
ఇప్పుడు ఈ ఇద్దరూ AA22 ప్రాజెక్ట్‌తో మళ్లీ కలసి పని చేయనున్నారని తెలిసిందే. ఈ ప్రాజెక్ట్‌కు సంబంధించిన ఆసక్తికరమైన విషయం ఒకటి తాజాగా వెలుగులోకి వచ్చింది.
శివపార్వతుల పుత్రుడు కార్తికేయ (సుబ్రహ్మణ్యేశ్వర స్వామి) ప్రయాణం నేపథ్యంలో ఈ సినిమా రూపొందనుందని, ఇది సోషియో మైథలాజికల్ ఫాంటసీ కాన్సెప్ట్‌లో ఉంటుందని సమాచారం.
ఈ కథలో తండ్రీకొడుకుల (శివుడు-కార్తికేయ) పునః కలయికను చూపించనున్నారట.
వివరాలు
త్వరలో AA22 ప్రాజెక్ట్ అనౌన్స్‌మెంట్ వీడియో
ఈ వార్తలు నిజమైతే, మాటల మాంత్రికుడైన త్రివిక్రమ్ మరో బ్లాక్‌బస్టర్ హిట్ ఇచ్చేందుకు సిద్ధమవుతున్నారని సినీ వర్గాలు అభిప్రాయపడుతున్నాయి.
ఈ సినిమాకు 'గాడ్ ఆఫ్ వార్' అనే టైటిల్ పరిశీలనలో ఉందట. దీనిని భారీ స్థాయిలో నిర్మించేందుకు సన్నాహాలు జరుగుతున్నాయని సమాచారం.
AA22 ప్రాజెక్ట్ అనౌన్స్‌మెంట్ వీడియో కూడా త్వరలో విడుదల చేయనున్నట్లు ఫిల్మ్ నగర్ వర్గాల టాక్.
ఇటీవల పుష్ప 2: ది రూల్ సినిమాతో బాక్సాఫీస్‌ను దుమ్ములేపిన బన్నీ, మరో వైపు గుంటూరు కారం సినిమాతో ప్రేక్షకుల ముందుకు వచ్చిన త్రివిక్రమ్, ఈ సారి డిఫరెంట్ కాన్సెప్ట్‌తో రూపొందే సినిమా ద్వారా కొత్త ట్రెండ్ సెట్ చేయనున్నారని అంచనా.
AA22 సినిమా ఏ విధంగా ప్రేక్షకులను ఆకట్టుకుంటుందో చూడాలి.