మట్కా టైటిల్ తో వరుణ్ తేజ్ కొత్త సినిమా: ఇంట్రెస్టింగ్ గా టైటిల్ పోస్టర్
వరుణ్ తేజ్ కొత్త సినిమా లాంచ్ కార్యక్రమం ఈరోజు హైదరాబాద్ లో జరుగుతోంది. పలాస 1978 ఫేమ్ కరుణ కుమార్ దర్శకత్వంలో రూపొందుతున్న ఈ సినిమాకు మట్కా అనే టైటిల్ ని కన్ఫామ్ చేసారు. మట్కా పేరుతో టైటిల్ పోస్టర్ ని కూడా రిలీజ్ చేసారు. ఈ పోస్టర్ చాలా ఆసక్తిగా కనిపిస్తోంది. 1960ల కాలం నాటి కథతో ఈ సినిమా తెరకెక్కుతోందని వార్తలు వచ్చినట్టుగానే, టైటిల్ పోస్టర్ లో అప్పటి కాలం నాటి రూపాయి బిళ్ళ, ఐదు రూపాయల నోటు, అంబాసిడర్ కారు కనిపిస్తున్నాయి. పాన్ ఇండియా రేంజ్ లో రూపొందుతున్న ఈ సినిమాలో మీనాక్షి చౌదరి, నోరా ఫతేహి కనిపిస్తున్నారు. జీవీ ప్రకాష్ కుమార్ సంగీతం అందిస్తున్నారు.