ఆహాలో హోస్ట్ గా విశ్వక్ సేన్: మాస్ కా దాస్ ఆడించే ఫ్యామిలీ ధమాకా గురించి తెలుసా
ఫలక్ నుమా దాస్ సినిమాతో తనకంటూ మంచి ఫాలోయింగ్ ఏర్పర్చుకున్న విశ్వక్ సేన్, ప్రస్తుతం చేతిలో వరుస సినిమాలతో బిజీగా ఉన్నాడు. అటు సినిమాలు చేస్తూనే ఓటీటీ ఛానల్ లో ఒకానొక ప్రోగ్రామ్ హోస్ట్ గా విశ్వక్ సేన్ రాబోతున్నాడు. అవును, మాస్ కా దాస్ విశ్వక్ సేన్ ఇప్పుడు ఆహా ఫ్లాట్ ఫామ్ కోసం హోస్ట్ గా మారబోతున్నాడు. ఈ మేరకు అధికారికంగా ప్రకటన కూడా వచ్చేసింది. ఫ్యామిలీ ధమాకా పేరుతో ప్రారంభమయ్యే ప్రోగ్రామ్ కి హోస్ట్ గా విశ్వక్ సేన్ వ్యవహరించబోతున్నాడని ఆహా టీమ్ వెల్లడి చేసింది. ఫ్యామిలీ ఆడియన్స్ ను దృష్టిలో పెట్టుకుని ఈ కార్యక్రమాన్ని డిజైన్ చేసారట.
ఫ్యామిలీ ధమాకా ఎప్పటి నుండి మొదలు కానుందంటే?
ఫ్యామిలీ ధమాకా గురించి ఒక పోస్టర్ ని మాత్రమే వదిలారు. గ్లింప్స్ రిలీజైతే కానీ ఈ ప్రోగ్రామ్ ఎలా ఉండనుందనేది క్లారిటీ రాదు. ఈ ప్రోగ్రామ్ గురించి మరిన్ని వివరాలు తెలియాలంటే మరికొన్ని రోజులు వెయిట్ చేయాల్సిందే. మరో విషయం ఏంటంటే, ఈ ప్రోగ్రామ్ ఎప్పటి నుండి మొదలవుతుందనేది కూడా ఆహా టీమ్ వెల్లడి చేయలేదు. ఇక విశ్వక్ సేన్ సినిమాల విషయానికి వస్తే, ప్రస్తుతం కృష్ణ చైతన్య దర్శకత్వంలో గ్యాంగ్స్ ఆఫ్ గోదావరి సినిమాలో నటిస్తున్నాడు. సితార ఎంటర్ టైన్మెంట్స్ రూపొందిస్తున్న ఈ సినిమా, డిసెంబరులో రిలీజ్ కానుంది.
