'జల్ జీవన్ మిషన్' పూర్తయితే భారత్‌లో 4లక్షల మరణాలను నివారించవచ్చు: డబ్ల్యూహెచ్ఓ
ఈ వార్తాకథనం ఏంటి
కేంద్ర ప్రభుత్వం ప్రతిష్టాత్మకంగా చేపట్టిన 'జల్ జీవన్ మిషన్'పై ప్రపంచ ఆరోగ్య సంస్థ( డబ్ల్యూహెచ్ఓ) కీలక అధ్యయనం చేసింది. ఈ మేరకు ఆ నివేదికను వెల్లడించింది.
'జల్ జీవన్ మిషన్' కార్యక్రమం అన్ని గ్రామీణ గృహాలకు స్వచ్ఛమైన నీటిని అందించాలనే దాని లక్ష్యాన్ని చేరుకుంటే, భారత్‌లో దాదాపు 400k అతిసార వ్యాధి మరణాలను నివారించవచ్చని డబ్ల్యూహెచ్ఓ పేర్కొంది.
కేంద్రం 2019లో జల్ జీవన్ మిషన్‌ను ప్రారంభించింది. ఇది వచ్చే ఏడాది నాటికి గ్రామీణ ప్రాంతాల్లోని అన్ని ఇళ్లకు వ్యక్తిగత కుళాయి కనెక్షన్‌ల ద్వారా సురక్షితమైన, తగినంత తాగునీరు అందించాలనే లక్ష్యంతో కేంద్రం దేశవ్యాప్తంగా ఈ కార్యక్రమాన్ని చేపట్టింది.
తాగునీరు
నీటి ఎద్దడిని ఎదుర్కొంటున్న 820 మిలియన్ల మంది ప్రజలు
దేశవ్యాప్తంగా సురక్షితమైన తాగునీటిని అందించడం వల్ల కలిగే లాభాలపై అంచనా వేయడానికి అధ్యయనం చేయాలని డబ్ల్యూహెచ్ఓను తాగునీరు, పారిశుద్ధ్య మంత్రిత్వ శాఖ కోరింది. ఈ మేరకు డబ్ల్యూహెచ్ఓ అధ్యయనం చేసి నివేదికను వెల్లడించింది.
జల్ జీవన్ మిషన్ దేశంలోని అన్ని గ్రామాలను కవర్ చేయగలిగితే ఏడాదికి 14 మిలియన్ల మంది దేశ ప్రజలను నీటి సంబంధిత వ్యాధుల నుంచి కాపాడవచ్చని అధ్యయనం చెప్పింది.
2024 నాటికి భారతదేశంలోని ప్రతి కుటుంబాన్నిట్యాప్ వాటర్ కనెక్షన్ ఇవ్వాలని కేంద్రం లక్ష్యంగా పెట్టుకుంది. ఇప్పటి వరకు 62.84శాతానికి చేరుకుంది.
దేశంలోని 12 ప్రధాన నదీ పరీవాహక ప్రాంతాల్లో దాదాపు 820 మిలియన్ల మంది ప్రజలు తీవ్రమైన నీటి ఎద్దడిని ఎదుర్కొంటున్నట్లు ప్రపంచ బ్యాంక్ లెక్కలు చెబుతున్నాయి.
తాగునీరు
దేశంలో 36శాతం మంది ఇంటి పరిసరాల్లో మెరుగైన తాగునీటి వనరులు లేవు
గ్రామీణ భారతంలోని ప్రజలు నీటికోసం చాలా దూరం వెళ్లాల్సి ఉంటుందని నేషనల్ శాంపిల్ సర్వే ఆర్గనైజేషన్ చెబుతోంది.
జార్ఖండ్‌లోని మహిళలను పరిగణనలోకి తీసుకోకుండా 40నిమిషాలు పడుతుంది. బిహార్‌లో ఇది 33నిమిషాలు, మహారాష్ట్రలో 24నిమిషాలు పడుతుంది.
జల్ జీవన్ మిషన్ అందుబాటులోకి వస్తే అన్ని గ్రామీణ ఇళ్లకు సురక్షితమైన వాటర్ కనెక్షన్ వస్తుంది.
తద్వారా వారి సమయం ఆదా అవుతుందని నివేదికలు చెబుతున్నారు. భారత్‌లో నీరు, పారిశుద్ధ్య సంబంధిత వ్యాధులతో బాధపడే వారు ఎక్కువ సంఖ్యలో ఉంటారు.
అందుకే డబ్ల్యూహెచ్ఓ తన అధ్యయనంలో డయేరియా వ్యాధులపై దృష్టి సారించింది.
2018లో 44శాతం గ్రామీణ జనాభాతో సహా భారతదేశ మొత్తం జనాభాలో 36శాతం మందికి తమ ఇంటి పరిసరాల్లో మెరుగైన తాగునీటి వనరులు అందుబాటులో లేవు.
తాగునీరు
జల్ జీవన్ మిషన్ పూర్తయితే సమయం ఆదా
దేశంలో గ్రామీణ కుళాయి నీటి కనెక్షన్లు 2019లో 16.64శాతం ఉంటే, ఇప్పుడు 62.84శాతానికి చేరుకున్నాయి.
41 నెలల వ్యవధిలో ఈ పెరుగుదల నమోదైంది. ఇది సగటు వార్షిక పెరుగుదల 13.5శాతం అని తాగునీరు, పారిశుద్ధ్య విభాగం కార్యదర్శి మహాజన్ అన్నారు.
2018 నుంచి దేశవ్యాప్తంగా మహిళలు గృహావసరాలను తీర్చేందుకు రోజూ సగటున 45.5 నిమిషాలు నీటిని సేకరిస్తున్నారు. ఇంటి ఆవరణలో నీటి వనరులు లేని కుటుంబాలు మొత్తం 66.6 మిలియన్ గంటలపాటు నీటిని సేకరించేందుకు వెచ్చించారు.
ఇందులో ఎక్కువ శాతం గ్రామీణ జనాభా ఉన్నారు. ట్యాప్ వాటర్ సదుపాయం ద్వారా నీటి సేకరణలో సయమాన్ని గణనీయంగా పొదుపు చేయొచ్చని నివేదిక చెబుతోంది.