Professor: 4 మాస్టర్ డిగ్రీలు.. పీహెచ్‌డీ పూర్తి.. అయినా రోడ్లపై కూరగాయలు అమ్ముతున్న ఫ్రొఫెసర్
ఈ వార్తాకథనం ఏంటి
యూనివర్శిటీలో పాఠాలు చెప్పాల్సిన ఓ ప్రోఫెసర్ రోడ్లపై కూరగాయాలను అమ్ముతున్నారు.
బండిపై 'పీహెచ్‌డీ సబ్జీవాలా' అనే బోర్డు పెట్టుకొని మరీ కూరగాయాలు అమ్మడం గమనార్హం.
4 మాస్టర్ డిగ్రీలు, పీహెచ్‌డీ పూర్తి చేసినా కూడా ఉద్యోగం పొట్ట నింపడం లేదని చెబుతున్నారు.
డాక్టర్ సందీప్ సింగ్ చిన్నప్పటి నుంచే చదువుల్లో ఫస్ట్. ఏకంగా నాలుగు పీజీ డిగ్రీలతో పాటు పీహెచ్‌డీ కూడా పూర్తి చేశాడు.
పంజాబ్ యూనివర్సిటీలో 11 సంవత్సరాలుగా కాంట్రాక్టు ప్రొఫెసర్‌గా పనిచేశారు.
సమయానికి జీతం రాకపోవడంతో పాటు తరుచూ జీతంలో కోత విధించడంతో సందీప్ ఉద్యోగాన్ని విడిచిపెట్టారు.
Details
సోషల్ మీడియాలో సందీప్ సింగ్ స్టోరీ వైరల్
దీంతో కుటుంబానికి పోషించడానికి సందీప్ సింగ్ కి వేరే మార్గం కనిపించలేదు.
ఇక రోడ్డుపై బండి మీద కూరగాయాలు అమ్మడం మొదలు పెట్టారు. బండి మీద 'PhD సబ్జీవాలా' అనే బోర్డుతో ప్రతి రోజూ కూరగాయాలు అమ్ముతున్నారు.
అయితే ఉద్యోగం కంటే కూరగాయాలు అమ్మడం ద్వారానే తాను ఎక్కువగా సంపాదిస్తున్నట్లు సందీప్ చెప్పారు.
ఉదయం నుంచి సాయంత్రం వరకూ కూరగాయాలు అమ్మాక, ఇంటికి చేరుకొని కాసేపు కుమారుడికి పాఠాలు చెబుతానని పేర్కొన్నాడు.
ప్రస్తుతం సోషల్ మీడియాలో డాక్టర్ సందీప్ సింగ్ స్టోరీ వైరల్ కావడంతో నెటిజన్లు అతన్ని ప్రోత్సహిస్తూ కామెంట్లు పెడుతున్నారు.