Mohammed Gaus Niyazi: మోస్ట్-వాంటెడ్ గ్యాంగ్‌స్టర్,ఆర్‌ఎస్‌ఎస్ కార్యకర్త హత్య నిందితుడు.. దక్షిణాఫ్రికాలో అరెస్ట్
నేషనల్ ఇన్వెస్టిగేషన్ ఏజెన్సీ (NIA) దక్షిణాఫ్రికాలో మోస్ట్ వాంటెడ్ గ్యాంగ్‌స్టర్‌లలో ఒకరైన మహ్మద్ గౌస్ నియాజీని అరెస్టు చేసింది. నియాజీపై ఏజెన్సీ 5 లక్షల రూపాయల రివార్డ్‌ను ఉంచింది. పాపులర్ ఫ్రంట్ ఆఫ్ ఇండియా (PFI)లోని ప్రముఖ నాయకుడు మహమ్మద్ గౌస్ నియాజీ 2016లో బెంగుళూరులో RSS నాయకుడు రుద్రేష్ హత్యకు పాల్పడ్డాడు. హత్యానంతరం పరారీలో ఉన్న అతడు వివిధ దేశాల్లో ఉంటున్నాడు. గుజరాత్ యాంటీ టెర్రరిజం స్క్వాడ్ (ATS) నియాజీ కదలికలను ట్రాక్ చేయడంలో ముందుంది. చివరికి కీలక సమాచారాన్ని కేంద్ర ఏజెన్సీతో పంచుకుంది. దక్షిణాఫ్రికా అధికారులు అప్రమత్తమయ్యి అతడిని అరెస్ట్ చేశారు. అరెస్ట్ చేసిన తర్వాత నిందితుడిని భారత్‌కి అప్పగించే పని ప్రారంభమైంది. త్వరలోనే ముంబైకి నిందితుడిని తీసుకురానున్నారు.
