తెలుగుదేశం అధినేత చంద్రబాబు రిమాండ్ 24వరకు పొడిగింపు.. తీర్పునిచ్చిన ఏసీబీ కోర్టు
ఈ వార్తాకథనం ఏంటి
ఆంధ్రప్రదేశ్ మాజీ ముఖ్యమంత్రి చంద్రబాబు రిమాండ్ మరోసారి పొడిగింపు అయ్యింది. ఈ మేరకు సెప్టెంబర్ 24 వరకు పొడిగిస్తూ ఏసీబీ కోర్టు నిర్ణయించింది.
ఏపీ స్కిల్ డెవలప్ మెంట్ కుంభకోణం ఆరోపణలతో రాజమండ్రి సెంట్రల్ జైల్లో ఉన్న చంద్రబాబును, న్యాయమూర్తి వర్చువల్ గా విచారించారు.
ఉదయం 10 గంటల 30 నిమిషాలకు, జైలు అధికారులు చంద్రబాబును వీడియో కాన్ఫరెన్స్ ద్వారా జడ్జి ఎదుట హాజరుపరిచారు. ఇదే సమయంలో మాట్లాడేందుకు చంద్రబాబుకు అవకాశం కల్పించారు.
దీంతో మాట్లాడిన బాబు, అన్యాయంగా తనను ఇరికించారని, తన తప్పేమీ లేదని స్వయంగా న్యాయమూర్తికి వాదన వినిపించుకున్నారు.
DETAILS
కేసులో నా ప్రమేయం లేకున్నా అరెస్ట్ చేశారు : చంద్రబాబు
ఈ మేరకు కేసులో తన ప్రమేయం లేకుండానే అరెస్ట్ చేశారని, కోర్టు దృష్టికి తీసుకొచ్చారు.
చంద్రబాబు నాయుడు, వాదనలను ఆసాంతం విన్న జడ్జి, విచారణలో అన్ని విషయాలు స్పష్టం అవుతాయని బదులిచ్చారు.
చట్టం, న్యాయం అందరికీ సమానమేనని, ప్రస్తుతం ఈనెల 24 వరకు రిమాండ్ ను పొడిగిస్తున్నట్లు పేర్కొన్నారు.
తొలుత అరెస్టయ్యాక చంద్రబాబుకు 14 రోజుల రిమాండ్ విధించింది కోర్టు.
రిమాండ్ గడువు నేటితో ముగియటంతో ఇవాళ మరోసారి విచారణ చేసిన న్యాయమూర్తి, రెండు రోజుల రిమాండ్ కు పొడిగిస్తూ ఆదేశాలు జారీ చేశారు.