Arogyasri: ఆంధ్రప్రదేశ్లో ఆరోగ్యశ్రీ సేవలు నిలిపివేస్తాం.. నెట్వర్క్ ఆసుపత్రుల లేఖ
ఆంధ్రప్రదేశ్ స్పెషాలిటీ హాస్పిటల్స్ అసోసియేషన్(ఆశా)సభ్యులు గురువారం తమ నెట్వర్క్ ఆసుపత్రులలో మే 4 నుండి నగదు రహిత చికిత్సలు నిలుపుదల చేస్తామని ప్రభుత్వానికి లేఖ రాశాయి. గత ఆరు నెలలుగా పెండింగ్లో ఉన్న ప్రైవేట్ నెట్వర్క్ ఆసుపత్రులకు బకాయిలు చెల్లించాలని ప్రభుత్వాన్ని కోరుతున్నామని స్పెషాలిటీ వైద్యులు డాక్టర్ వైఎస్ఆర్ ఆరోగ్యశ్రీ ట్రస్ట్ చీఫ్ ఎగ్జిక్యూటివ్ ఆఫీసర్ డాక్టర్ లక్ష్మీషాకు సమర్పించిన వినతిపత్రంలో తెలిపారు. ఆసుపత్రుల కార్యకలాపాలు సజావుగా జరిగేలా బకాయిలను క్లియర్ చేయాలని అభ్యర్థిస్తూ అనేక అభ్యర్ధనలు పంపామని తెలిపారు.
ఆరోగ్యశ్రీ సేవలను నిలిపివేస్తామని హెచ్చరిక
చాలా ఆసుపత్రుల్లో వర్కింగ్ క్యాపిటల్ అయిపోయిందని,ఇకపై రుణాలు ఇవ్వడానికి ఇష్టపడని విక్రేతల నుండి తీవ్ర ఒత్తిడికి గురవుతున్నామని స్పెషాలిటీ వైద్యులు తెలిపారు. అంతేగాక, జీతాలు ఆలస్యంగా చెల్లించడం వల్ల తమ ఉద్యోగులు డి-మోటివేట్ అయ్యారన్నారు. ఆర్థిక సంక్షోభాన్ని అధిగమించడానికి తక్షణమే బకాయిలను క్లియర్ చేయాలని .. లేని పక్షంలో ఆరోగ్యశ్రీ సేవలను నిలిపివేస్తామని వారు హెచ్చరించారు.
