AP Tourism Investments: రూ.1217 కోట్ల విలువైన ఎనిమిది ప్రాజెక్టులతో ఏపీ టూరిజం ఒప్పందాలు
ఈ వార్తాకథనం ఏంటి
ఏపీ పర్యాటక రంగాన్ని కూటమి ప్రభుత్వం అభివృద్ధి చేయడంలో మరింత వేగాన్ని కల్పించడానికి ప్రయత్నాలు చేస్తున్నది.
పర్యాటక రంగంలో పెట్టుబడులను ఆకర్షించడంలో ప్రభుత్వం విజయం సాధిస్తోంది.
రూ.1,217 కోట్ల విలువైన 8 పర్యాటక ప్రాజెక్టుల పై ఎంవోయూలపై సంతకాలు చేసినట్లు మంత్రి కందుల దుర్గేష్ వెల్లడించారు.
విశాఖపట్టణం, తిరుపతి, అమరావతి, అల్లూరి సీతారామరాజు జిల్లాల్లో 825 రూమ్ల వసతులను ఏర్పాటు చేయడానికి ఇన్వెస్టర్లు ముందుకొచ్చారని చెప్పారు.
దీంతో, పర్యాటక రంగంలో 2,567 కొత్త ఉద్యోగాలు సృష్టించనున్నట్లు మంత్రి పేర్కొన్నారు. ఈ సమావేశంలో అరకు చలి ఫెస్టివల్ బ్రోచర్ కూడా విడుదల చేశారు.
వివరాలు
పర్యాటక రంగానికి పరిశ్రమ హోదా
"ఉత్తరాంధ్ర ప్రాంతంలో పర్యాటక రంగ అభివృద్ధికి పెట్టుబడులను ఆకర్షించడం మా ప్రధాన లక్ష్యంగా విశాఖ ప్రాంతీయ పర్యాటక సదస్సు నిర్వహించాం. త్వరలోనే విశాఖ కేంద్రంగా క్రూయిజ్ హబ్ ఏర్పాటవుతుంది. విశాఖపట్టణం ఎంటర్టైన్మెంట్, పర్యాటక రంగంలో రియల్ హబ్ గా మారిపోతుంది. పర్యాటక రంగానికి పరిశ్రమ హోదా ఇచ్చాం. ఈ సమయంలోనే పెట్టుబడులు పెట్టేందుకు ఉత్తమమైనది"- మంత్రి కందుల దుర్గేష్ అన్నారు.
వివరాలు
8 సంస్థలతో ఒప్పందం - రూ.1217 కోట్ల పెట్టుబడులు
అట్మాస్పియర్ కోర్ - విశాఖ, అమరావతి, తిరుపతి - రూ.1,000 కోట్లు
సుమియాగ్రి - విశాఖ, గుంటూరు - రూ.50 కోట్లు
ఎవరెస్టు ఎంటర్ ప్రైజెస్ - విశాఖ - రూ.7 కోట్లు
రాయల్ పామ్స్ - చీరాల - రూ.30 కోట్లు
రిప్పిల్స్ అండ్ కో - అల్లూరి సీతారామరాజు జిల్లా - రూ.100 కోట్లు
బ్లూబే ఇన్ ఫ్రా - భోగాపురం - రూ.18 కోట్లు
హోటల్ ఎస్ పార్క్ - బాపట్ల - రూ.7 కోట్లు
డాల్ఫిన్ ఓషన్ క్రూయిజ్ - విశాఖ - రూ.5 కోట్లు
విశాఖలో జరిగిన ప్రాంతీయ పర్యాటక పెట్టుబడిదారుల సమ్మిట్‌లో 150 మంది పెట్టుబడిదారులు పాల్గొన్నారు.
వివరాలు
రిప్పిల్ అండ్ కో రూ.100 కోట్లు పెట్టుబడులు
ఈ సమ్మిట్ లో మంత్రి కందుల దుర్గేష్ మాట్లాడుతూ, యారాడ బీచ్‌లో హోటల్స్, రిసార్ట్స్ ప్రాజెక్టు కోసం అట్మాస్పియర్ కోర్ రూ.500 కోట్ల పెట్టుబడులను పెట్టనుందని తెలిపారు.
విశాఖపట్టణం, అమరావతిలోని హోటళ్లకు సుమియాగ్రి రూ.50 కోట్లు, విల్లాలు, కన్వెన్షన్ సెంటర్ కోసం రిప్పిల్ అండ్ కో రూ.100 కోట్లు పెట్టుబడులు పెట్టనట్లు ప్రకటించారు.
ఏపీ ప్రభుత్వం కొత్త పర్యాటక విధానం ద్వారా జీఎస్‌టి,విద్యుత్, మున్సిపల్ కార్పొరేషన్ ఛార్జీల్లో సంస్కరణలు తీసుకోనుంది అని మంత్రి దుర్గేష్ హామీ ఇచ్చారు.
పరిశ్రమ రంగం,పర్యాటక రంగాన్ని సమకాలికంగా అభివృద్ధి చేసేందుకు రాష్ట్ర ప్రభుత్వం కట్టుబడి ఉందని చెప్పారు.
ప్రకృతి సౌందర్యం,పర్యావరణ అనుకూలతకు ప్రసిద్ధి చెందిన ఉత్తరాంధ్ర, ప్రధాన పర్యాటక కేంద్రంగా అభివృద్ధి చెందుతుందని మంత్రులు తెలిపారు.
వివరాలు
క్రూయిజ్ టూరిజం
క్రూయిజ్ టూరిజం త్వరలోనే ప్రారంభమవుతుందని మంత్రి కందుల దుర్గేష్ చెప్పారు.
పుదుచ్చేరి ప్రభుత్వం అభ్యంతరాలు వ్యక్తం చేసినప్పటికీ, కేంద్ర పర్యాటక శాఖ మంత్రి గజేంద్ర సింగ్ షెకావత్‌తో చర్చించిన అనంతరం ఈ సదుపాయం తిరిగి ప్రారంభమవుతుందని వెల్లడించారు.
అడ్వెంచర్ టూరిజంతో పాటు పిలిగ్రమ్ టూరిజం కూడా త్వరలో ప్రారంభిస్తామని మంత్రి చెప్పారు.
రాత్రిపూట హోటల్స్ / ఫుడ్ స్టాల్స్ కార్యకలాపాలను అనుమతించే ప్రణాళికలను ప్రకటించారు.
పెట్టుబడిదారులు తమ ప్రతిపాదనలను సమర్పిస్తే వాటిని త్వరగా అమలు చేస్తామని హామీ ఇచ్చారు.
స్టార్ హోటళ్లకు మద్యం బార్ లైసెన్స్ ఫీజును రూ.66 లక్షల నుంచి రూ.20 లక్షలకు తగ్గించాలనే సిఫార్సు సీఎం చంద్రబాబుకు చేసినట్లు మంత్రి పేర్కొన్నారు.
వివరాలు
20 లక్షల ఉద్యోగావకాశాలు
పర్యాటక శాఖ ప్రత్యేక ప్రధాన కార్యదర్శి అజయ్ జైన్ మాట్లాడుతూ, పర్యాటక రంగంలో అనేక కీలక పరిణామాలను వివరించారు.
విజయవాడలో తొలి ఇన్వెస్టర్ సమ్మిట్‌ను నిర్వహించినట్లు పేర్కొన్నారు.
ప్రస్తుతం తిరుపతిలో మూడో ఇన్వెస్టర్ సమ్మిట్ నిర్వహించేందుకు ప్రణాళికలు ఉన్నాయని చెప్పారు.
వచ్చే ఐదేళ్లలో పర్యాటక రంగంలో 20 లక్షల ఉద్యోగావకాశాలు సృష్టించేందుకు రాష్ట్ర ప్రభుత్వం లక్ష్యంగా పెట్టుకున్నట్లు ఆయన ప్రకటించారు.