Arvind Kejriwal: జైలుకు వెళ్లే ముందు కేజ్రీవాల్ భావోద్వేగ వీడియో విడుదల
ఢిల్లీ ముఖ్యమంత్రి అరవింద్ కేజ్రీవాల్ తీహార్ జైలుకు వెళ్లే ముందు ఢిల్లీ ప్రజలకు మరోసారి భావోద్వేగ విజ్ఞప్తి చేశారు. తాను జైలుకు వెళ్లినప్పుడు ప్రజలు తన తల్లిదండ్రులను జాగ్రత్తగా చూసుకోవాలని, వారి కోసం ప్రార్థించాలని కేజ్రీవాల్ అన్నారు. ఢిల్లీ ముఖ్యమంత్రి ఈసారి జైలులో మరిన్ని చిత్రహింసలకు గురయ్యే అవకాశం ఉందని ఆందోళన వ్యక్తం చేశారు. దేశాన్ని కాపాడేందుకు ఎవరైనా ప్రాణత్యాగం చేసినా ప్రజలు బాధపడకూడదన్నారు. మధ్యంతర బెయిల్ కోసం సుప్రీంకోర్టుకు కృతజ్ఞతలు తెలుపుతూ కేజ్రీవాల్ శుక్రవారం విలేకరుల సమావేశంలో మాట్లాడారు.
ఎంతకాలం జైల్లో ఉంచుతారో తెలియదు: కేజ్రీవాల్
'రేపటి రోజు నేను లొంగిపోవాలి.నన్ను ఎంతకాలం జైల్లో ఉంచుతారో నాకు తెలియదు,కానీ వారు నన్ను విచ్ఛిన్నం చేయలేరు.జైలులో ఇన్సులిన్ ఇంజక్షన్లు చాలా రోజులు ఆపేశారు. బరువు తగ్గాను. నా కీటోన్ స్థాయి కూడా చాలా పెరిగింది. ఇంతమంది ఇలా ఎందుకు చేయాలనుకుంటున్నారో తెలియదు.అని అన్నారు. ఈసారి తనను మరింత వేధించవచ్చని కేజ్రీవాల్ అన్నారు.ఢిల్లీ ప్రజల పని ఆగదని కేజ్రీవాల్ హామీ ఇచ్చారు.మిమ్మల్ని మీరు జాగ్రత్తగా చూసుకోండి అని సీఎం అన్నారు. జైల్లో ఉన్నమీ గురించి నేను ఆలోచిస్తాను.మీరు సంతోషంగా ఉంటే మీ కేజ్రీవాల్ కూడా సంతోషంగా ఉంటారు.ఉచిత విద్యుత్,మొహల్లా క్లినిక్,ఉచిత వైద్యం,ఉచిత బస్సు ప్రయాణం,అన్ని పనులు కొనసాగుతాయి. తిరిగి వచ్చిన తర్వాత అమ్మానాన్నలందరికీ నెలనెలా వెయ్యి రూపాయలు ఇవ్వడం ప్రారంభిస్తాను అని చెప్పారు.
