AAP-Congress: కాంగ్రెస్‌తో పొత్తు లేదని చెప్పేసిన కేజ్రీవాల్
ఈ వార్తాకథనం ఏంటి
వచ్చే ఏడాది ప్రారంభంలో దిల్లీ అసెంబ్లీ ఎన్నికలు జరగనున్న నేపథ్యంలో,ఇండియా కూటమి పార్టీలు అయిన ఆప్, కాంగ్రెస్ సహా ఇతర పార్టీల మధ్య పొత్తు చర్చలు చివరి దశకు చేరుకున్నాయి.
అవి కలిసి పోటీ చేసే అవకాశం ఉందని వార్తలు వస్తున్నాయి. అయితే, ఆమ్ ఆద్మీ పార్టీ (AAP) అధినేత అరవింద్ కేజ్రీవాల్ ఈ అంశంపై స్పందిస్తూ, "దిల్లీ ఎన్నికల్లో ఆప్ స్వతహాగా పోటీ చేస్తూ ముందుకువెళ్లనుంది. కాంగ్రెస్‌తో పొత్తు పెట్టుకోవటం అసాధ్యం" అని ఎక్స్ వేదికగా ప్రకటించారు.
అటు,ఆప్-కాంగ్రెస్ మధ్య పొత్తు గురించి వస్తున్న వార్తలలో,కాంగ్రెస్‌కు 15 స్థానాలు కేటాయించేలా చర్చలు జరుగుతున్నాయని, ఇంకా 1-2 స్థానాలు ఇండియా కూటమి ఇతర పార్టీలకు కేటాయించేందుకు అవగాహన ఉందని సమాచారం వస్తోంది.
వివరాలు
ఎన్నికలపై ఫోకస్
అయితే, ఈ ప్రకటనపై కేజ్రీవాల్ అంగీకరించకుండా, వాటిని ఖండించారు.
ఇదిలా ఉంటే, ఆప్ ఈ అసెంబ్లీ ఎన్నికలకు సంబంధించి తన అభ్యర్థుల జాబితాను రెండు విడతల్లో విడుదల చేసింది, మొత్తం 31 మంది అభ్యర్థుల పేర్లను ప్రకటించింది.
ఇదే సమయంలో, ఆప్ అధినేత అరవింద్ కేజ్రీవాల్ మద్యం కుంభకోణం కేసులో ఆరోపణలు ఎదుర్కొని జైలుకు వెళ్లిన తరువాత, ఆయన ఇటీవల ప్రకటించారు.
ప్రజలు తనకు విశ్వసనీయత సర్టిఫికెట్ ఇచ్చేవరకు సీఎం పదవిలో ఉండబోనని కొన్ని నెలల క్రితం ప్రకటించిన సంగతి తెలిసిందే.
ప్రస్తుతం, ఆయన ముఖ్యమంత్రి పదవికి రాజీనామా చేసి, రానున్న ఎన్నికలపై ఫోకస్ పెడుతున్నారు. ఈ సందర్భంగా, ఆప్ నేత ఆతిశీ దిల్లీ ముఖ్యమంత్రిగా బాధ్యతలు నిర్వహిస్తున్నారు.
వివరాలు
రూ. కోట్లు ఖర్చు పెట్టి ముఖ్యమంత్రి నివాసానికి మార్పులు
ఇక, దిల్లీ అసెంబ్లీ ఎన్నికల సందర్భంలో 'సీఎం బంగ్లా' వివాదం రాజుకోవడమేకాక, ఈ అంశం రాజకీయ దుమారం రేపుతోంది.
తనను తాను సామాన్యుడిగా చెప్పుకునే కేజ్రీవాల్ అధికారంలో ఉన్నప్పుడు రూ. కోట్లు ఖర్చు పెట్టి ముఖ్యమంత్రి నివాసానికి (Delhi CM Bungalow)మార్పులు చేసారని, ప్రజాధనం దుర్వినియోగం చేశారని భాజపా ఆరోపిస్తోంది.
దీనిపై ఆప్ తీవ్రంగా నిరసన వ్యక్తం చేస్తూ, " విద్య, ఆరోగ్య సంస్కరణల విషయాల్లో ప్రజలు అడుగుతున్నప్పుడు, వారు మాత్రం బంగ్లాల గురించి మాట్లాడుతున్నారని" ఆగ్రహం వ్యక్తం చేసింది.