Mumbai: ముంబైలో అగ్నివీర్ ట్రైనీ ఆత్మహత్య
ఈ వార్తాకథనం ఏంటి
ముంబైలోని తన హాస్టల్ గదిలో అగ్నివీర్‌గా శిక్షణ పొందుతున్న 20ఏళ్ల యువతి ఆత్మహత్యకు పాల్పడినట్లు పోలీసులు మంగళవారం తెలిపారు. ఆ మహిళ కేరళ నివాసి,నేవీ శిక్షణ కోసం రెండు వారాల క్రితం ముంబైకి వచ్చిందని వారు తెలిపారు. మహిళ,ఆమె ప్రియుడు సోమవారం ఉదయం,గొడవ పడ్డారని, ఆ తర్వాత అతను ఆత్మహత్య చేసుకుంటానని బెదిరించాడని పోలీసులు తెలిపారు. కొద్దిసేపటికే మహిళ ఆత్మహత్యకు పాల్పడింది. మలాడ్ వెస్ట్‌లోని ఐఎన్‌ఎస్ హమ్లా బేస్‌లోని ఆమె గదిలో ఆమె మృతదేహం లభ్యమైంది.
Details
అగ్నిపథ్ పథకం కింద,'అగ్నివీర్' సైనికులు సేవలందిస్తారు
వైద్యులకు సమాచారం అందించగా ఆమె మృతి చెందినట్లు నిర్ధారించారు. మాల్వాని పోలీసులు ప్రమాదవశాత్తు మృతిగా కేసు నమోదు చేసి దర్యాప్తు ప్రారంభించారు. అగ్నిపథ్ పథకం కింద, 'అగ్నివీర్' సైనికులు 4సంవత్సరాల పాటు సేవలందిస్తారు. ఇందులో ఆరు నెలల శిక్షణ,మూడున్నర సంవత్సరాల డిప్లాయిమెంట్ ఉంటుంది. దీని తరువాత, వారు సాయుధ దళాలలో కొనసాగడానికి దరఖాస్తు చేసుకోవచ్చు.