హైదరాబాద్ ఆదాయపు పన్ను ఆఫీస్‌కు బాంబు బెదిరింపు.. భయం భయంలో అధికారులు
ఈ వార్తాకథనం ఏంటి
హైదరాబాద్ మహానగరం బషీర్ బాగ్ పరిధిలోని ఆదాయపన్ను శాఖ కార్యాలయానికి సోమవారం గుర్తు తెలియని వ్యక్తులు బాంబు బెదిరింపులు చేశారు.
హుటాహుటిన కార్యాలయంలోని ఐటీ సిబ్బంది, అధికారులు ప్రాణభయంతో వెలుపలికి ఉరుకులు పరుగులు పెట్టారు.
ఐటీ టవర్స్ పరిధిలోని ఆదాయ పన్ను శాఖ కార్యాలయానికి బాంబు బెదిరిపు ఫోన్ రావడంతో వెంటనే పోలీసులు అప్రమత్తమయ్యారు.
వెంటనే బాంబు స్వ్కాడ్ తో ఘటనా స్థలానికి చేరుకున్న పోలీసులు, ఐటీ టవర్స్ ప్రాంతాన్ని క్షణ్ణంగా తనిఖీ చేశారు. చెకింగ్ జరుగుతున్న సమయంలో ఐటీ శాఖ ఉద్యోగులంతా కార్యాలయానికి సమీపంలోనే ఉండి ఎక్కడ ఎం దొరుకుతుందనే ఉత్కంఠలో బాంబు స్క్వాడ్ పనితీరును చూడటం గమనార్హం.
DETAILS
పూర్తి తనిఖీల అనంతరం ఊపిరి పీల్చుకున్న ఐటీ శాఖ సిబ్బంది
అనంతరం పరిసరాల్లోనూ పూర్తిగా తనిఖీలు చేసిన బాంబ్ స్క్వాడ్ సిబ్బంది, ఐటీ కార్యాలయం, దాని ఆవరణ, అనుబంధ ప్రదేశాలను జల్లెడ పట్టారు.
ఈ క్రమంలో ఎక్కడా ఎలాంటి పేలుడు పదార్థాలు గానీ బాంబులు గానీ లేవని నిర్థారించారు. ఫలితంగా అటు పోలీసులు, ఇటు ఐటీ శాఖ సిబ్బంది, అధికారులు అంతా హమ్మయ్య అంటూ ఊపిరి పీల్చుకున్నారు.
తొలుత ఓ ఆగంతకుడు హైదరాబాద్ ఐటీ టవర్స్ లో బాంబు ఉందని, పోలీసులకే ఫొన్ చేసి చెప్పాడని సమాచారం. అయితే పోలీసులతో సదరు అనుమానితుడు ఫోన్ మాట్లాడుతుండగానే సదరు వ్యక్తి అతని ఫోన్ ను స్విచ్ఛాఫ్ చేయడం కొసమెరుపు.