వచ్చే ఎన్నికల్లో కేంద్రంలో బీఆర్ఎస్‌దే ప్రభుత్వం, దేశవ్యాప్తంగా దళితబంధు అమలు చేస్తాం:కేసీఆర్
ఈ వార్తాకథనం ఏంటి
2024లో ఎన్నికల్లో కేంద్రంలో భారత రాష్ట్ర సమితి(బీఆర్ఎస్) ప్రభుత్వాన్ని ఏర్పాటు చేస్తుందని ఆ పార్టీ అధినేత, సీఎం ముఖ్యమంత్రి కె.చంద్రశేఖర్ రావు స్పష్టం చేశారు.
హైదరాబాద్‌లో 125 అడుగుల ఎత్తైన డాక్టర్ అంబేద్కర్ విగ్రహం ప్రారంభోత్సం సందర్భంగా ఆయన కీలకోపాన్యాసం చేశారు.
ఇటీవల మహారాష్ట్ర పర్యటనలో తనకు తనూహ్య స్వాగతం లభించిందని, రాబోయే రోజుల్లో బిహార్, మధ్యప్రదేశ్, పశ్చిమ బెంగాల్ వంటి ఇతర రాష్ట్రాలలో అలాంటి సానుకూల పవనాలే వీస్తాయని కేసీఆర్ పేర్కొన్నారు.
గతంలో అనేక ప్రభుత్వాలు అధికారంలోకి వచ్చినా దళిత వర్గాల సాధికారత కోసం ఎలాంటి ప్రయత్నాలు చేయలేదన్నారు.
కేసీఆర్
అంబేద్కర్ పేరు మీద రాష్ట్రస్థాయిలో అవార్డు
రాష్ట్రాన్ని 10సంవత్సరాలు పాలించిన గత ప్రభుత్వం దళితుల సంక్షేమం కోసం రూ.16,000 కోట్లు ఖర్చు చేయగా, తాము మాత్రం తొమ్మిదేళ్లలో రూ.1.28 లక్షల కోట్లు ఖర్చు పేర్కొన్నారు.
కేంద్రంలో బీఆర్ఎస్ అధికారంలోకి రాగానే ఏటా 25 లక్షల కుటుంబాలకు లబ్ధి చేకూర్చేలా జాతీయ స్థాయిలో దళిత బంధును అమలు చేస్తామని కేసీఆర్ సంచలన ప్రకటన చేశారు. అంబేద్కర్ ఆశయాల సాధనకు అవసరమైన నిర్దిష్టమైన, ఆచరణీయమైన చర్యలు తీసుకోవడానికి తమ ప్రభుత్వం కట్టుబడి ఉందని ఆయన అన్నారు.
రాష్ట్ర ప్రభుత్వం అంబేద్కర్ పేరు మీద వార్షిక అవార్డును ఇవ్వనున్నట్లు కేసీఆర్ స్పష్టం చేశారు. జాతీయ, రాష్ట్ర స్థాయిలో సమాజ సేవలో నిష్ణాతులైన వారికి ఆ అవార్డును అందజేస్తామని ముఖ్యమంత్రి ప్రకటించారు.