Cyclone Michaung: చెన్నైలో వరుసగా ఐదవ రోజు పాఠశాలలు, కళాశాలలు మూసివేత
ఈ వార్తాకథనం ఏంటి
మిచాంగ్ తుఫాను కారణంగా ప్రతికూలంగా ప్రభావితమైన ప్రాంతాల్లో సహాయక చర్యల కారణంగా తమిళనాడు ప్రభుత్వం శుక్రవారం ఐదవ రోజు చెన్నైలోని పాఠశాలలు,కళాశాలలకు సెలవు ప్రకటించింది. చెన్నైలోని అనేక ప్రాంతాలు,పరిసర జిల్లాలు నీటి ఎద్దడి,ప్రాథమిక వస్తువుల కొరతతో పోరాడుతూనే ఉన్నాయి. నగరంలో వర్షాల కారణంగా 20 మందికి పైగా మరణించారు. తిరువళ్లూరు జిల్లాలోని పాఠశాలలు, కళాశాలలకు రాష్ట్ర ప్రభుత్వం శుక్రవారం కూడా సెలవు ప్రకటించింది. నేషనల్ డిజాస్టర్ రెస్పాన్స్ ఫోర్స్ (NDRF) బృందం అర్థరాత్రి రెస్క్యూ ఆపరేషన్ నిర్వహించి శుక్రవారం ఉదయం మరొక మృతదేహాన్ని వెలికితీసింది.
Details
తమిళనాడు,కేరళలో శుక్ర,శనివారాల్లో వర్షాలు: ఐఎండీ
ఆంధ్రప్రదేశ్‌లో తీరం దాటిన మిచువాంగ్ తుఫాను ప్రభావంతో మంగళవారం చెన్నై, తిరువళ్లూరు, కాంచీపురం,చెంగల్‌పేట్‌ జిల్లాల్లో భారీ వర్షాలు కురిశాయి. సహాయక చర్యలు వేగవంతం చేశామని, నగరంలో వివిధ ప్రాంతాల్లో నిలిచిపోయిన నీటిని బయటకు పంపే ప్రయత్నాలు కొనసాగుతున్నాయని ప్రభుత్వం తెలిపింది. మరోవైపు తమిళనాడు, కేరళలో శుక్రవారం, శనివారాల్లో వర్షాలు కురుస్తాయని భారత వాతావరణ విభాగం (ఐఎండీ) అంచనా వేసింది. కోయంబత్తూర్ జిల్లాల్లోని నీలగిరి, ఘాట్ ప్రాంతాలలో ఒకటి లేదా రెండు చోట్ల భారీ వర్షాలు కురిసే అవకాశం ఉందని చెన్నైలోని ప్రాంతీయ వాతావరణ కేంద్రం తెలిపింది.
Details
మొదటి అర్బన్ ఫ్లడ్ మిటిగేషన్ ప్రాజెక్టుకు ప్రధాని ఆమోదం
అలాగే, నీలగిరి, కోయంబత్తూర్, తిరుపూర్, దిండిగల్, తేని, చెన్నై, విరుదునగర్, శివగంగ, పుదుక్కోట్టై, తంజావూరు జిల్లాల్లో ఒకటి లేదా రెండు చోట్ల భారీ వర్షాలు కురిసే అవకాశం ఉందని పేర్కొంది. చెన్నై బేసిన్ ప్రాజెక్ట్ కోసం 'ఇంటిగ్రేటెడ్ ఫ్లడ్ మేనేజ్‌మెంట్ ప్రాజెక్ట్ లో భాగంగా 561.29 కోట్ల విలువైన మొదటి అర్బన్ ఫ్లడ్ మిటిగేషన్ ప్రాజెక్టుకు ప్రధాని నరేంద్ర మోదీ గురువారం ఆమోదం తెలిపారని కేంద్ర హోం మంత్రి అమిత్ షా ఒక ప్రకటనలో తెలిపారు.
Details
మిచాంగ్' తుఫాను కారణంగా అతలాకుతలమైన రెండు రాష్ట్రాలకు ఆర్ధిక సాయం
ఈ ప్రాజెక్టులో కేంద్రం 500 కోట్ల సాయం ఉందని, చెన్నై వరదలను తట్టుకునేలా చేయడంలో ఉపశమన ప్రాజెక్టు దోహదపడుతుందని షా చెప్పారు. పట్టణ వరద నివారణ ప్రయత్నాల శ్రేణిలో ఇది మొదటిది. ఇది పట్టణ వరద నిర్వహణ కోసం విస్తృత ఫ్రేమ్‌వర్క్‌ను అభివృద్ధి చేయడంలో సహాయపడుతుంది. 'మిచాంగ్' తుఫాను కారణంగా భారీ వర్షాలతో అతలాకుతలమైన రెండు రాష్ట్రాలు, ఆంధ్రప్రదేశ్‌కు 493.60 కోట్లు, తమిళనాడుకు 450 కోట్లు ఎస్‌డిఆర్‌ఎఫ్ రెండో విడతలో కేంద్ర వాటాను ముందస్తుగా విడుదల చేయాలని హోం వ్యవహారాల మంత్రిత్వ శాఖ (ఎంహెచ్‌ఎ)ని ప్రధాని ఆదేశించారు.