ప్రధాని మోదీని కలిసి ప్రత్యేక హోదా డిమాండ్‌ను నెరవేర్చాలని కోరిన సీఎం జగన్
ఈ వార్తాకథనం ఏంటి
ఆంధ్రప్రదేశ్ ముఖ్యమంత్రి జగన్ మోహన్ రెడ్డి శుక్రవారం ప్రధాని నరేంద్ర మోదీని కలిశారు. ఈ సందర్భంగా రాష్ట్రానికి ప్రత్యేక హోదా డిమాండ్‌ను నెరవేర్చాలన పునరుద్ఘాటించారు. అలాగే రాష్ట్రానికి కేంద్రం నుంచి రావాల్సిన నిధుల వంటి అంశాలపై చర్చించారు. ఆంధ్రప్రదేశ్ రాష్ట్ర విభజన జరిగి తొమ్మిదేళ్లు కావస్తున్నా, ఆంధ్రప్రదేశ్, తెలంగాణ మధ్య అనేక ద్వైపాక్షిక సమస్యలు అపరిష్కృతంగా ఉన్నాయని ప్రధానికి దృష్టికి సీఎం జగన్ తీసుకెళ్లారు. ఆంధ్రప్రదేశ్‌కు ప్రత్యేక హోదా వల్ల రాష్ట్రం స్వావలంబన దిశగా సాగుతుందని పీఎంకు జగన్ వివరించారు. పోలవరం ప్రాజెక్టుపై ప్రధాని మోదీతో చర్చించిన ముఖ్యమంత్రి, కేంద్రం నుంచి రావాల్సిన పెండింగ్‌లో ఉన్న నిధులను విడుదల చేయాలని కోరారు.
ఆంధ్రప్రదేశ్
పోలవరం పూర్తి చేసేందుకు రూ.10,000 కోట్లు ఇవ్వండి: సీఎం జగన్
పోలవరం ప్రాజెక్టుకు తమ రాష్ట్రం ఇప్పటికే దాదాపు రూ.2,900కోట్లు ఖర్చు చేసిందని, వాటిని కేంద్ర ప్రభుత్వం ఇంతవరకు రీయింబర్స్ చేయలేదని ప్రధానికి జగన్ మోహన్ రెడ్డి వివరించారు. ప్రాజెక్టును త్వరగా పూర్తి చేసేందుకు తాత్కాలిక ప్రాతిపదికన రూ.10,000 కోట్ల నిధులు ఇవ్వాలని కోరారు. రూ.55,548.87కోట్లుగా నిర్ణయించిన పోలవరం ప్రాజెక్టు అంచనా వ్యయాన్ని ముందస్తుగా ఆమోదించాలని మోదీకి జగన్ విజ్ఞప్తి చేశారు. ఆంధ్రప్రదేశ్ పునర్వ్యవస్థీకరణ చట్టానికి సంబంధించిన అంశాలపై చర్చించి, జాతీయ ఆహార భద్రతా చట్టం కింద దక్షిణాది రాష్ట్రంలో ఎక్కువ మంది లబ్ధిదారులను చేర్చాలని, మరో 12 మెడికల్ కాలేజీలకు ఆమోదం తెలపాలని, రాష్ట్ర ఆధీనంలోని ఆంధ్రప్రదేశ్ మినరల్‌కు గనులను కేటాయించాలని సీఎం జగన్ ప్రధానికి కోరినట్లు ఏపీ సీఎంవో వర్గాలు తెలిపాయి.