Uttarpradesh: స్నేహితుల చేతిలో కాలేజీ విద్యార్థి హత్య.. గొయ్యిలో పాతిపెట్టి
ఉత్తర్‌ప్రదేశ్‌లో దారుణం చోటుచేసుకుంది.అమ్రోహాలో జరిగిన పార్టీలో జరిగిన వివాదం కారణంగా కళాశాల విద్యార్థి ని అతని స్నేహితులు హత్యచేశారు. అనంతరం, అతని మృతదేహాన్ని గొయ్యి తీసి పూడ్చిపెట్టారు. ఈ కేసులో రచిత్ అనే ఒక వ్యక్తిని గ్రేటర్ నోయిడా పోలీసులు అరెస్టు చేశారు. కేసును పరిశీలించడానికి ఏర్పాటైన బృందాలు ఇతర నిందితుల కోసం వెతుకుతున్నాయి. వివరాల్లోకి వెళితే.. బాధితుడు యశ్ మిట్టల్, గ్రేటర్ నోయిడాలోని ప్రముఖ విశ్వవిద్యాలయంలో మొదటి సంవత్సరం BBA చదువుతున్నాడు. యశ్ అమ్రోహా నివాసి. ఫిబ్రవరి 27న, యూనివర్సిటీ క్యాంపస్‌లో యశ్ కనిపించకపోవడంతో అతని తండ్రి ప్రదీప్ మిట్టల్ గ్రేటర్ నోయిడా పోలీసులకు ఫిర్యాదు చేశారు.
యశ్‌ను గొంతుకోసి హత్య
పోలీసులు పలు బృందాలుగా ఏర్పడి దర్యాప్తు ప్రారంభించారు. దీనికి సంబంధించి, గజ్రౌలా జిల్లాలో నిర్వహించిన నిఘా ఆపరేషన్ లో రచిత్ ను పోలీసులు పట్టుకున్నారు. ఫిబ్రవరి 26న అమ్రోహాలో జరిగిన పార్టీకి యష్‌ని పిలిచారని, అదే రోజు బాధితుడు రచిత్‌తో పాటు మరో ముగ్గురు వ్యక్తులతో కలిసి అమ్రోహాలోని తిగ్రియా ప్రాంతంలోని అడవికి వెళ్లారని, అక్కడ యష్‌తో గొడవ పడ్డారని రచిత్ పోలీసులకు తెలిపారు. ఆ తర్వాత నలుగురు వ్యక్తులు యశ్‌ను గొంతుకోసి హత్య చేసి మృతదేహాన్ని దాదాపు ఆరు అడుగుల లోతులో పాతిపెట్టారని తెలిపాడు.
యష్ కుటుంబానికి కిడ్నాప్ సందేశం.. రూ.6 కోట్ల డిమాండ్
హత్యానంతరం నలుగురు నిందితులు బాధితురాలి మొబైల్ ఫోన్ ద్వారా యష్ కుటుంబానికి కిడ్నాప్ సందేశం పంపారని,పోలీసులను తప్పుదోవ పట్టించే లక్ష్యంతో రూ.6 కోట్లను డిమాండ్ చేసినట్లు రచిత్ తెలిపారు. దాద్రీ పోలీస్ స్టేషన్,SWAT బృందం అతని కుటుంబ సభ్యుల సమక్షంలో గొయ్యి నుండి యశ్ మిట్టల్ మృతదేహాన్ని వెలికితీసింది. గజరావుల పోలీసులు పోస్టుమార్టం నిర్వహిస్తున్నారు.
