Congress Manifesto: తెలంగాణ ప్రత్యేక మేనిఫెస్టోలో కాంగ్రెస్ పార్టీ 23 ప్రధాన హామీలు ..కాంగ్రెస్ మేనిఫెస్టో ఇదే!
ఈ వార్తాకథనం ఏంటి
వచ్చే లోక్‌సభ ఎన్నికలకు ముందు కాంగ్రెస్ పార్టీ తెలంగాణ ప్రత్యేక మేనిఫెస్టోను శుక్రవారం కాంగ్రెస్ రాష్ట్ర వ్యవహారాల ఇన్‌ఛార్జ్ దీపాదాస్ మున్షి విడుదల చేశారు .
ఈ ప్రత్యేక మేనిఫెస్టో తెలంగాణకు సంబంధించిన నిర్దిష్ట అంశాలను ప్రస్తావించడం ద్వారా పార్టీ జాతీయ మేనిఫెస్టో అయిన కాంగ్రెస్ న్యాయ పాత్రను పూర్తి చేస్తుంది.
రాహుల్ గాంధీ నామినేషన్‌ కార్యక్రమంలో పాల్గొనేందుకు రాయ్‌బరేలి వెళ్లిన సీఎం రేవంత్ రెడ్డి ఈ కార్యక్రమంలో పాల్గొనలేదు.
మంత్రి శ్రీధర్ బాబు, ప్రభుత్వ సలహాదారు వేం నరేందర్ రెడ్డి సహా కాంగ్రెస్ సీనియర్ నేతలు ఈ కార్యక్రమానికి హాజరయ్యారు.
శ్రీధర్ బాబు
బీజేపీ, బీఆర్‌ఎస్‌లు ఇచ్చిన హామీలను నెరవేర్చలేదు:శ్రీధర్‌బాబు
ఈ సందర్భంగా టీపీసీసీ మేనిఫెస్టో కమిటీ చైర్మన్‌, మంత్రి డి.శ్రీధర్‌బాబు మాట్లాడుతూ గత బీఆర్‌ఎస్‌ పాలనలో తెలంగాణ ఆర్థిక వ్యవస్థ అధ్వానంగా ఉందని విమర్శించారు.
కాంగ్రెస్ ప్రభుత్వాన్ని ఏర్పాటు చేసిన 100 రోజుల్లో ఆర్థిక వ్యవస్థను తిరిగి గాడిలో పెట్టామని ఆయన పేర్కొన్నారు.
తెలంగాణ ఏర్పాటైనప్పటి నుంచి బీజేపీ, బీఆర్‌ఎస్‌లు ఇచ్చిన హామీలను నెరవేర్చలేదని విమర్శించారు.
23 ప్రధాన అంశాలను గుర్తించి ప్రత్యేక మేనిఫెస్టోలో పొందుపరిచామని, కేంద్రంలో కాంగ్రెస్ పార్టీ అధికారంలోకి రాగానే ఏపీ పునర్వ్యవస్థీకరణ చట్టంలో పేర్కొన్న హామీలన్నింటినీ నెరవేరుస్తామని చెప్పారు.
తెలంగాణ
తెలంగాణ రాష్ట్రానికి ప్రత్యేక హామీలు ఇవే..
హైదరాబాద్ మహానగరంలో ఇన్ఫర్మేషన్ టెక్నాలజీ అండ్ ఇన్వెస్ట్మెంట్ రీజియన్ (ITIR) ప్రాజెక్ట్ పునఃప్రారంభం
ఆంధ్రప్రదేశ్ పునర్వ్యవస్థీకరణ చట్టం - 2014 ప్రకారం అన్ని హామీ అమలు.
కాజీపేటలో రైల్వే కోచ్ ఫ్యాక్టరీ, బయ్యారంలో ఉక్కు కర్మాగారం, హైదరాబాదులో ఇండియన్ ఇన్స్టిట్యూట్ ఆఫ్ మేనేజ్మెంట్ (IIM)చ మైనింగ్ విశ్వవిద్యాలయం ఏర్పాటు
హైదరాబాద్ - విజయవాడ జాతీయ రహదారి వెంబడి రాపిడ్ రైల్వే సిస్టమ్ అభివృద్ధి.
ఆంధ్రాలో విలీనం అయిన ఐదు గ్రామాలు తిరిగి తెలంగాణాలో విలీనం.
పాలమూరు - రంగారెడ్డి ప్రాజెక్టుకి జాతీయ హోదా.
హైదరాబాద్‌లో నీతి అయోగ్ ప్రాంతీయ కార్యాలయం.
నూతన ఎయిర్ పోర్టు ఏర్పాటురామగుండం-మణుగూరు నూతన రైల్వే లైన్ ఏర్పాటు.
తెలంగాణ
తెలంగాణ రాష్ట్రానికి ప్రత్యేక హామీలు ఇవే..
నాలుగు నూతన సైనిక పాఠశాలల ఏర్పాటు.
కేంద్రీయ విద్యాలయాల సంఖ్య పెంపు. 10. నవోదయ విద్యాలయాల సంఖ్య రెట్టింపు
తెలంగాణలో జాతీయ క్రీడల విశ్వవిద్యాలయం ఏర్పాటు.
ఇండియన్ ఇన్స్టిట్యూట్ ఆఫ్ సైన్స్ ఎడ్యుకేషన్ అండ్ రీసెర్చ్ (IISER) ఏర్పాటు
ఇండియన్ ఇన్స్టిట్యూట్ ఆఫ్ ఫారెన్ ట్రేడ్ (IIFT) ఏర్పాటు.
భారత వ్యవసాయ పరిశోధన సంస్థ (IARI) క్యాంపస్ ఏర్పాటు.
నేషనల్ ఏవియేషన్ యూనివర్సిటీ ఏర్పాటు.
ఇండియన్ కౌన్సిల్ ఫర్ మెడికల్ రీసెర్చ్ (ICMR) పరిధిలో కేంద్ర వైద్య పరిశోధన సంస్థ ఏర్పాటు.
కేంద్ర ప్రభుత్వ నిధులు గ్రామ సర్పంచులకు నేరుగా బదిలీ.
ప్రతి ఇంటికి సౌర శక్తితో కూడిన సొంత విద్యుత్ ఉత్పత్తి వ్యవస్థ ఏర్పాటు.
తెలంగాణ
తెలంగాణ రాష్ట్రానికి ప్రత్యేక హామీలు ఇవే..
హైదరాబాద్- బెంగళూరు మధ్య IT, ఇండస్ట్రియల్ కారిడార్ , హైదరాబాద్ - నాగపూర్ మధ్య ఇండస్ట్రియల్ కారిడార్, హైదరాబాద్- వరంగల్ ఇండస్ట్రియల్ కారిడార్, హైదరాబాద్ నుండి నల్గొండ మీదుగా మిర్యాలగూడ ఇండస్ట్రియల్ కారిడార్ ఏర్పాటు, సింగరేణి పారిశ్రామిక కారిడార్ ఏర్పాటు
అంతర్జాతీయ ప్రమాణాలతో కూడిన సాంస్కృతిక, వినోద కేంద్రం.
మేడారం సమ్మక్క సారలమ్మ మహా జాతరకు జాతీయ హోదా.
తెలంగాణలో డ్రై పోర్టు ఏర్పాటు.
హైదరాబాద్‌లో సుప్రీంకోర్టు ప్రత్యేక బెంచ్ ఏర్పాటు
ట్విట్టర్ పోస్ట్ చేయండి
కాంగ్రెస్ పార్టీ జాతీయ మేనిఫెస్టోతో పాటు... తెలంగాణ ప్రజలకు ప్రత్యేక హామీలు.
Congress Telangana Manifesto Released at Gandhi Bhavan.
— Dinesh Kumar (@DineshsonuINC) May 3, 2024
-- కాంగ్రెస్ పార్టీ జాతీయ మేనిఫెస్టోతో పాటు... తెలంగాణ ప్రజలకు ప్రత్యేక హామీలు.
-- Along with the National Manifesto of the Congress Party... special assurances to the people of Telangana.#CongreesManifesto #Congress pic.twitter.com/neunRT33ou