Constitution Debate: రాజ్యాంగంపై చర్చకు లోక్‌సభ, రాజ్యసభ ఎంపీల అంగీకారం.. చర్చకు తేదీలు ఖరారు
ఈ వార్తాకథనం ఏంటి
పార్లమెంట్‌లో రాజ్యాంగంపై చర్చ చేపట్టాలని విపక్షాలు డిమాండ్ చేస్తున్న విషయం తెలిసిందే.
ఈ నేపథ్యంలో వచ్చే వారం లోక్‌సభ, రాజ్యసభలో రాజ్యాంగంపై చర్చ జరగేందుకు ఎంపీలందరూ అంగీకరించారు.
ఇవాళ స్పీకర్‌ ఓం బిర్లా అధ్యక్షతన జరిగిన అఖిలపక్ష సమావేశంలో ఈ నిర్ణయం తీసుకోబడింది.
సమావేశం అనంతరం, కేంద్ర పార్లమెంటరీ వ్యవహారాల శాఖ మంత్రి కిరణ్‌ రిజుజు రాజ్యాంగ చర్చ తేదీలను ప్రకటించారు.
లోక్‌సభలో డిసెంబర్ 13, 14 తేదీల్లో, రాజ్యసభలో 16, 17 తేదీల్లో రాజ్యాంగంపై చర్చ జరగనుందని ఆయన స్పష్టం చేశారు.
చర్చ అనంతరం, ప్రధాన మంత్రి నరేంద్ర మోదీ రాజ్యాంగంపై ప్రసంగించనున్నారు.
వివరాలు
చర్చలు జరగకపోవడంతో విపక్షాల ఎంపీలు తీవ్ర అసహనం వ్యక్తం
పార్లమెంట్ సమావేశాలు ప్రారంభమైనప్పటికీ, ఇప్పటివరకు ఎలాంటి చర్చలు జరగలేదు.
ఉభయసభల్లో వాయిదాలు కొనసాగుతూనే ఉన్నాయి. చర్చలు జరగకపోవడంతో విపక్షాల ఎంపీలు తీవ్ర అసహనం వ్యక్తం చేస్తున్నారు.
అదానీ వ్యవహారం, మణిపూర్ పరిస్థితి, సంభాల్ ఘటన, అజ్మేర్ ఘటన, నిరుద్యోగం వంటి అంశాలపై చర్చ జరగాలని ప్రతిపక్షాలు కోరుకుంటున్నాయని, కానీ ప్రభుత్వానికి ఇవి చర్చించాలనే ఆసక్తి లేదని వారు విమర్శిస్తున్నారు.
దీంతో పాటు, రాజ్యాంగం అమల్లోకి వచ్చి 75 సంవత్సరాలు పూర్తైన సందర్భాన్ని పురస్కరించుకుని, రెండు రోజులపాటు ప్రత్యేకంగా రాజ్యాంగంపై చర్చ చేపట్టాలని విపక్షాలు ప్రభుత్వాన్ని డిమాండ్ చేసిన విషయం తెలిసిందే.
అయితే, ఈ చర్చ ఎప్పుడు జరగుతుందనే విషయాన్ని ప్రభుత్వం ఇంకా ప్రకటించలేదు.