దేశంలో ఒక్కరోజులో 27శాతం పెరిగిన కరోనా కేసులు; కొత్తగా 3,823 మందికి వైరస్
దేశంలో 24గంటల్లో కొత్తగా 3,824 మందికి కరోనా సోకినట్లు ఆదివారం కేంద్ర ఆరోగ్య మంత్రిత్వ శాఖ తెలిపింది. ఒక్కరోజే 27శాతం కేసులు ఎక్కువగా నమోదైనట్లు పేర్కొంది. 184 రోజుల్లో ఇదే అత్యధికమని చెప్పింది. కొత్త కేసులతో కలిపి దేశంలో అయితే క్రియాశీల కేసుల సంఖ్య 18,389కి పెరిగింది. మొత్తం కేసుల సంఖ్య 4.47 కోట్లకు (4,47,22,605) చేరినట్లు కేంద్ర ఆరోగ్య మంత్రిత్వ శాఖ వెల్లడించింది. కొత్తగా ఐదు మరణాలు సంభవించాయి. తాజా మరణాలతో మొత్తం మృతుల సంఖ్య 5,30,881కి చేరుకున్నట్లు కేంద్రం పేర్కొంది.
రోజువారీ పాజిటివిటీ రేటు 2.87 శాతం
తాజా మరణాల్లో దిల్లీ, హర్యానా, రాజస్థాన్‌ నుంచి ఒక్కరు చనిపోగా, కేరళలో ఇద్దరు మరణించారు. మొత్తం కేసుల్లో యాక్టివ్ కేసులు 0.04 శాతం ఉన్నాయి. జాతీయ కరోనా రికవరీ రేటు 98.77 శాతంగా నమోదైంది. రోజువారీ పాజిటివిటీ రేటు 2.87 శాతం కాగా, వీక్లీ పాజిటివిటీ రేటు 2.24 శాతంగా ఉంది. దేశంలో ఇప్పటి వరకు కరోనా నుంచి కోలుకున్నవారి సంఖ్య 4,41,73,335 కు పెరిగింది. మరణాల రేటు 1.19 శాతంగా నమోదైంది.
ఈ టైమ్ లైన్ ని షేర్ చేయండి