రాహుల్ గాంధీకి చుక్కెదురు; జైలు శిక్షపై స్టే ఇచ్చేందుకు సూరత్ కోర్టు నిరాకరణ
ఈ వార్తాకథనం ఏంటి
క్రిమినల్ పరువునష్టం కేసులో తనకు విధించిన శిక్షపై స్టే విధించాలని కోరుతూ రాహుల్ గాంధీ దాఖలు చేసిన పిటిషన్‌ను సూరత్ కోర్టు గురువారం కొట్టివేసింది.
సూరత్ కోర్టు తీర్పును సవాల్ చేస్తూ రాహుల్ గాంధీ గుజరాత్ హైకోర్టు లేదా సుప్రీంకోర్టులో అప్పీల్ చేయనున్నారు.
గత గురువారం అడిషనల్ సెషన్స్ జడ్జి ఆర్‌పీ మొగేరా ధర్మాసనం స్టే కోసం గాంధీ దాఖలు చేసిన పిటిషన్‌పై తీర్పును ఏప్రిల్ 20కి రిజర్వ్ చేశారు. ఈ నేపథ్యంలో గురువారం ధర్మాననం తీర్పును వెల్లడించింది.
రాహుల్ గాంధీ
మాకు చాలా అవకాశాలు అందుబాటులో ఉన్నాయ్: జైరామ్ రమేష్
చట్టం ప్రకారం తమకు చాలా అవకాశాలు అందుబాటులో ఉన్నాయని జైరామ్ రమేష్ ట్వీట్ చేశారు. రాహుల్ గాంధీ తర్వాత ఏం చేస్తారనేది అభిషేక్ సింఘ్వీ మీడియాకు తెలియజేస్తారని వెల్లడించారు.
"దొంగలందరికీ మోదీ అనే ఇంటిపేరు ఎలా వచ్చింది?" అని 2019లో కర్ణాటకలోని కోలార్‌లో జరిగిన ఎన్నికల ర్యాలీలో రాహుల్ అన్నారు.
రాహుల్ వ్యాఖ్యలను వ్యతిరేకిస్తూ భారతీయ జనతా పార్టీ ఎమ్మెల్యే పూర్ణేష్ మోదీ భారతీయ శిక్షాస్మృతి (ఐపీసీ) సెక్షన్లు 499, 500 (పరువు నష్టం) కింద క్రిమినల్ పరువు నష్టం కేసును దాఖలు చేశారు.
దీన్ని విచారించిన సూరత్‌లోని మెట్రోపాలిటన్ మేజిస్ట్రేట్ కోర్టు రాహుల్‌కు రెండేళ్ల జైలు శిక్ష విధించింది. అనంతరం అంటే మార్చి 24న రాహుల్‌పై లోక్‌సభలో అనర్హతకు గుర్యయారు.