Delhi Ordinance: రాజ్యసభలో సంఖ్యా బలం లేకున్నా ఆర్డినెన్స్‌ను బీజేపీ ఎలా ఆమోదిస్తుందంటే!
ఈ వార్తాకథనం ఏంటి
దిల్లీలోని అధికారులు, బ్యూరోక్రాట్లను కేంద్రం పరిధిలోకి తెస్తూ బీజేపీ ప్రభుత్వం ఆర్డినెన్స్‌ను తీసుకొచ్చిన విషయం తెలిసిందే.
ఈ ఆర్డినెన్స్ బిల్లును జులై 20 నుంచి జరగనున్న పార్లమెంట్ వర్షాకాల సమావేశాల్లోనే ఆమోదింపజేయాని కేంద్రం భావిస్తోంది.
అయితే ఆర్డినెన్స్‌పై కేంద్రంతో పోరాడుతున్న ఆమ్ ఆద్మీ పార్టీకి రాజ్యసభలో బిల్లును వ్యతిరేకిస్తామని తాజాగా కాంగ్రెస్ ప్రకటించడంతో ఇది పెద్ద ఎత్తున చర్చకు దారితీసింది.
వాస్తవానికి బీజేపీ నేతృత్వంలో ఎన్డీయేకు లోక్‌సభలో సంఖ్యా బలం ఉన్నా, రాజ్యసభలో లేదు.
రాజ్యసభలో బీజేపీకి తగిన సంఖ్యా బలం ఉన్నా దిల్లీ ఆర్డినెన్స్ ఆమోదానికి వచ్చిన ఇబ్బంది ఏమీ లేదని ఉండకపోవచ్చని విశ్లేషకులు అభిప్రాయపడుతున్నారు.
దిల్లీ
బిల్లును ఆమోదించడానికి 120మంది మద్దతు అవసరం
రాజ్యసభలో దిల్లీ ఆర్డినెన్స్ బిల్లును కేంద్రం ఎలాంటి అడ్డకుంలు లేకుండా ఆమోదించాలంటే ఒడిశా సీఎం నవీన్ పట్నాయక్ , ఏపీ సీఎం జగన్ రెడ్డి తీసుకునే నిర్ణయంపై ఆధారపడి ఉంటుందని విశ్లేషకులు చెబుతున్నాయి.
రాజ్యసభలో తాజాగా భర్తీ అయిన స్థానాలతో బీజేపీ బలం 93కు చేరుకుంటుంది.
245 మంది సభ్యుల రాజ్యసభలో ఏడు సీట్లు జులై 24 తర్వాత ఖాళీ అవుతాయి.
దీంతో బిల్లు ప్రవేశ పెట్టే నాటికి రాజ్యసభలో సభ్యులు సంఖ్య 238స్థానాలకు తగ్గుతుంది.
ఈ క్రమంలో బిల్లును ఆమోదించడానికి మెజారిటీ మార్క్ 120 అవుతుంది.
ప్రస్తుతం రాజ్యసభలో ఎన్డీఏ కూటమికి 105 మంది సభ్యులు ఉన్నారు.
ప్రస్తుతానికి ప్రతిపక్ష శిబిరం వైపు కూడా దాని వైపు 105మంది సభ్యులు ఉన్నారు.
దిల్లీ
ఆర్డినెన్స్ ఆమోదానికి బీజేడీ, వైసీపీ మద్దతే కీలకం
రాజ్యసభలోని ఐదుగురు నామినేటెడ్, ఇద్దరు స్వతంత్ర ఎంపీల మద్దతును తమకే వస్తుందని బీజేపీ నమ్ముతుంది. దీంతో రాజ్యసభలో కేంద్రం బలం 112కు చేరుకుంటుంది.
అంటే మెజార్టీమార్క్ కావాలంటే మరో 8మంది సభ్యుల మద్దతు అవసరం.
ఇదే సమయంలో మాయావతికి చెందిన బీఎస్‌పీ, జనతాదళ్ సెక్యులర్, టీడీపీ మద్దతను కూడా కేంద్రం ఆశిస్తోంది. వీళ్లు మద్దతు ఇచ్చినా బీజేపీకి పూర్తిస్థాయిలో మెజార్టీ ఉండదు.
రాజ్యసభలో ఆర్డినెన్స్‌ను ఆమోదించాలంటే, తొమ్మిది మంది సభ్యులున్న బీజేడీ, వైసీపీ మద్దతు చాలా కీలకం.
గత ఏడాది ఓ వివాదాస్పద బిల్లుపై రాజ్యసభలో ఓటింగ్ సందర్భంగా రెండు పార్టీలు వాకౌట్ చేశాయి.
ఫలితంగా మెజారిటీ మార్కును తగ్గించి పరోక్షంగా కేంద్రానికి సహకరించాయి. ఇప్పుడు కూడా అలాంటి ఎత్తుగడే వస్తారన తెలుస్తోంది.