జీ20 సదస్సుకు వచ్చిన చైనా బృందం వద్ద అనుమాస్పద బ్యాగులు.. హోటల్‌లో హై డ్రామా
ఈ వార్తాకథనం ఏంటి
జీ20 సదస్సు కోసం దిల్లీకి వచ్చిన చైనా ప్రతినిధి బృందం వద్ద కొన్ని బ్యాగులు అనుమానాస్పదంగా కనిపించడంతో కలకలం రేపింది.
దిల్లీలోని చాణక్యపురిలో చైనా ప్రతినిధులు బస చేసే తాజ్ ప్యాలెస్ హోటల్‌లో దాదాపు 12 గంటల పాట హైడ్రామా నడించిందని పోలీసు వర్గాలు తెలిపారు.
చైనా ప్రతినిధి బృందం హోటల్‌కు రెండు బ్యాగ్‌లను తీసుకొచ్చింది. బ్యాగ్‌లను తనిఖీ చేస్తామని భద్రతా సిబ్బంది అడగ్గా, అందుకు నిరాకరించారని పోలీసులు వెల్లడించారు.
ప్రోటోకాల్ ప్రకారం బ్యాగ్‌ను తనిఖీ చేయాలని పోలీసులు పదేపదే పట్టుబట్టినప్పటికీ చైనా ప్రతినిధులు ససేమిరా అన్నారు. దీంతో హోటల్ పరిసరాల్లో గందరగోళం నెలకొంది.
చైనా
12గంటల హైడ్రామా తర్వాత కొలిక్కి వచ్చిన సమస్య
దాదాపు 12గంటల సుదీర్ఘ చర్చల అనంతరం చివరకు చైనా ప్రతినిధి బృందం తమ అనుమానాస్పద బ్యాగులను తనిఖీ అవసరం లేకుండా, తమ దేశ రాయబర కార్యాలయానికి పంపడానికి అంగీకరించడంతో సమస్య ఒక కొలిక్కి వచ్చింది. అయితే ఆ బ్యాగ్‌లో ఏం ఉందనేది తెలియరాలేదు.
చైనా ఎంబసీలో బ్యాగులను పెట్టి, తిరిగి ఆ దేశ ప్రతినిధులు హోటల్‌కు చేరుకున్నారు.
సెప్టెంబర్ 9-10 వరకు జరిగిన జీ20 సమ్మిట్‌లో పాల్గొనేందుకు చైనా నుంచి ప్రత్యేక బృందం వచ్చింది.
జీ20 సమ్మిట్‌కు అధ్యక్షుడు జిన్‌పింగ్ గైర్హాజకు కావడంతో ఆ దేశం పక్షాన ప్రీమియర్ లీ కియాంగ్ ప్రాతినిధ్యం వహించారు.