Qatar-India: ఖతార్ జైలు నుండి 8మంది భారతీయ నావికాదళ సభ్యుల విడుదల
ఈ వార్తాకథనం ఏంటి
గూఢచర్యం ఆరోపణలపై అరెస్ట్ అయ్యిన ఎనిమిది మంది మాజీ భారత నావికాదళ సిబ్బందిని ఖతార్ ప్రభుత్వం విడుదల చేసింది.
విదేశీ వ్యవహారాల మంత్రిత్వ శాఖ (MEA)సోమవారం తెల్లవారుజామున ఓ ప్రకటన విడుదల చేసింది.ఈ పరిణామాన్ని స్వాగతించింది.
అల్ దహ్రా గ్లోబల్ కంపెనీ అనే ప్రైవేట్ సంస్థలో పనిచేస్తున్న ఎనిమిది మంది మాజీ భారతీయ నావికాదళ సిబ్బందిలో ఏడుగురు ఖతార్ నుండి భారతదేశానికి తిరిగి వచ్చారని తెలిపారు.
"ఖతార్‌లో నిర్బంధించబడిన దహ్రా గ్లోబల్ కంపెనీలో పనిచేస్తున్న ఎనిమిది మంది భారతీయ పౌరులను విడుదల చేయడాన్ని భారత ప్రభుత్వం స్వాగతించింది. ఎనిమిది మందిలో ఏడుగురు భారతదేశానికి తిరిగి వచ్చారు. ఖతార్ రాష్ట్ర ఎమిర్ నిర్ణయాన్ని మేము అభినందిస్తున్నాము. " అని MEA ఒక ప్రకటనలో తెలిపింది.
Details
ప్రధానికి ధన్యవాదాలు తెలిపిన నేవీ అధికారులు
గత ఏడాది డిసెంబర్‌లో అల్ దహ్రా గ్లోబల్ కేసులో అరెస్టయిన ఎనిమిది మంది భారత నేవీ అధికారులకు మరణశిక్షను ఖతార్ కోర్టు రద్దు చేసింది.
మరణశిక్షను జైలు శిక్షగా మార్చగా..తాజాగా దాని నుంచి విముక్తి కల్పించింది నేవీ అధికారులకు విధించిన మరణశిక్షకు వ్యతిరేకంగా భారత ప్రభుత్వం దాఖలు చేసిన అప్పీల్‌ను ఖతార్ కోర్ట్ ఆఫ్ ఫస్ట్ ఇన్‌స్టాన్స్ ఆమోదించిన తర్వాత ఈ పరిణామం చోటు చేసుకుంది.
ఖతార్‌లో అదుపులోకి తీసుకున్నఎనిమిది మంది భారత నేవీ అధికారులు..కెప్టెన్ నవతేజ్ సింగ్ గిల్, కెప్టెన్ బీరేంద్ర కుమార్ వర్మ,కెప్టెన్ సౌరభ్ వశిష్ట్,కమాండర్ అమిత్ నాగ్‌పాల్,కమాండర్ పూర్ణేందు తివారీ,కమాండర్ సుగుణాకర్ పాకాల,కమాండర్ సంజీవ్ గుప్తా,సెయిలర్ రగేష్.
భారత నేవీ అధికారులు ప్రధాని నరేంద్ర మోదీకి ధన్యవాదాలు తెలిపారు.