Haryana:'అదనపు నీరు పాక్‌కు వెళ్లకుండా మాకివ్వండి': పంజాబ్‌ను అభ్యర్దించిన హర్యానా
ఈ వార్తాకథనం ఏంటి
భాక్రా రిజర్వాయర్‌లో పంజాబ్ వద్ద అదనంగా మిగిలిన తాగునీటిని తమకు కేటాయించాల్సిందిగా హర్యానా రాష్ట్ర ప్రభుత్వం అభ్యర్థించింది.
లేదంటే ఆ నీరు పాకిస్థాన్‌కు వెళ్లిపోవడం తప్ప మరే ప్రయోజనం ఉండదని హరియాణా ముఖ్యమంత్రి నాయబ్ సింగ్ సైనీ స్పష్టం చేశారు.
భారత్ సింధూ జలాల ఒప్పందాన్ని నిలిపివేయాలని నిర్ణయించిన నేపథ్యంలో ఆయన ఈ ప్రకటన విడుదల చేశారు.
సింధూ ఒప్పంద పరిధిలోనే ఉన్న అతిపెద్ద ఆనకట్టలలో భాక్రా నంగల్‌ ఆనకట్ట కూడా ఒకటి కావడం గమనార్హం.
వివరాలు
దిల్లీ ప్రజలను శిక్షించేలా విధ్వంసకర ప్రకటనలు
''జూన్ నాటికి భాక్రా నంగల్‌ ఆనకట్టను పూర్తిగా ఖాళీ చేయాల్సిన అవసరం ఉంది. అప్పుడు వర్షాకాలంలో వచ్చే నదీ జలాలను నిల్వ చేసుకోవచ్చు. లేకపోతే ఆ నీరు హరి-కే-పట్టాన్‌ ప్రాంతం నుంచి నేరుగా పాకిస్థాన్‌ వైపునకే పోతుంది. అలా అయితే అది పంజాబ్‌కైనా, హరియాణాకైనా ఉపయోగపడదు'' అని సైనీ అన్నారు.
ఇంతకు ముందు పంజాబ్‌లో ఆమ్ ఆద్మీ పార్టీ ప్రభుత్వం ఉన్నప్పుడు భాక్రా నీటి విడుదలపై ఎటువంటి అభ్యంతరాలు తలెత్తలేదు.
కానీ ఇప్పుడు ఆప్ ప్రభుత్వం లేకపోవడంతో,దిల్లీ ప్రజలను శిక్షించేలా విధ్వంసకర ప్రకటనలు చేయడం ఏమిటని ఆయన ప్రశ్నించారు.
అసలు హరియాణాకు తగిన వాటా నీరు ఇప్పటిదాకా అందుబాటులోకి రాలేదన్నారు.
వివరాలు
భాక్రా ప్రాజెక్టులో నిల్వ ఉండే మొత్తం నీటిలో కేవలం 0.0001 శాతానికే సమానం
గత నెల భాక్రా బేస్ మేనేజ్‌మెంట్ బోర్డ్ విడుదల చేసిన గణాంకాల ప్రకారం, పంజాబ్, రాజస్థాన్‌, దిల్లీకి పెద్ద మొత్తంలో నీరు వెళ్తుండగా, హరియాణాకు కేవలం 6,800 క్యూసెక్కులే ఇచ్చారని ఆరోపించారు.
''నిజానికి హరియాణాకు సరిపడే వాటా ఇవ్వబడ్డా అది భాక్రా ప్రాజెక్టులో నిల్వ ఉండే మొత్తం నీటిలో కేవలం 0.0001 శాతానికే సమానం'' అని ఆయన వివరించారు.
కేంద్ర ప్రభుత్వం చీనాబ్‌, జీలమ్‌ వంటి నదుల నీటిని ఉత్తరాది రాష్ట్రాల్లోని వ్యవసాయ అవసరాల కోసం మళ్లించాలని కోరారు.
ప్రస్తుతం భాక్రా నంగల్‌ ప్రాజెక్టు ద్వారా పంజాబ్, హరియాణా, రాజస్థాన్‌లకు నీటి అవసరాలను తీర్చడం జరుగుతోంది.