Road Accident: కడప గువ్వల చెరువు ఘాట్‌లో ఘోర రోడ్డు ప్రమాదం.. ఐదుగురు దుర్మరణం
ఈ వార్తాకథనం ఏంటి
ఆంధ్రప్రదేశ్‌లోని కడప జిల్లాలో ఘోర రోడ్డు ప్రమాదం చోటుచేసుకుంది. కడప గువ్వల చెరువు ఘాట్ రోడ్డులో జరిగిన ఈ విషాదకర ఘటనలో ఐదుగురు వ్యక్తులు ఘటనాస్థలిలోనే ప్రాణాలు కోల్పోయారు. రాయచోటి నుండి కడపకు వెళ్తున్న కారు, ఎదురుగా వస్తున్న భారీ లోడ్‌తో నిండిన లారీ ఢీకొనడంతో ఈ ప్రమాదం సంభవించింది. ఘటన సమయంలో లారీ అదుపుతప్పి కారుపై ఒరిగి పడిపోయింది. దీంతో కారులో ప్రయాణిస్తున్న ఐదుగురు - ముగ్గురు మహిళలు, ఒక పురుషుడు, ఒక చిన్నారి స్పాట్‌లోనే మృతి చెందారు.
Details
కేసు నమోదు చేసుకున్న పోలీసులు
ప్రమాదం తీవ్రతతో కారు పూర్తిగా నుజ్జునుజ్జు అయింది. కారులో ఇరుక్కుపోయిన మృతదేహాలను వెలికితీయడంలో సహాయక చర్యలు తీవ్రంగా సాగుతున్నాయి . గువ్వల చెరువు రెండవ ఘాట్ వద్ద ఈ ప్రమాదం సంభవించిందని అధికారులు తెలిపారు. స్థానికులు, పోలీసులు సంఘటనాస్థలానికి చేరుకొని సహాయక చర్యల్లో నిమగ్నమయ్యారు. ఈ ఘటనతో ఆ ప్రాంతంలో తీవ్ర విషాదం నెలకొంది.