Hyderabad: తెలంగాణ వ్యాప్తంగా న్యూ ఇయర్ వేడుకలు.. భారీగా నమోదైన డ్రంక్ అండ్ డ్రైవ్ కేసులు
ఈ వార్తాకథనం ఏంటి
తెలంగాణ రాష్ట్రవ్యాప్తంగా న్యూ ఇయర్ వేడుకలు ఎంతో ఘనంగా జరిగాయి.
ప్రజలు కొత్త ఏడాదిని ఆనందంగా స్వాగతం పలికారు. డీజేలు, డ్యాన్స్‌లు, ఇతర వినోదాలతో ప్రజలు ఉత్సాహంగా మునిగిపోయారు.
హైదరాబాద్ సహా అనేక ప్రాంతాల్లో ప్రజలు వేడుకల్లో పాల్గొని ఉత్సవాలను ఆస్వాదించారు.
అయితే, పోలీసులు ముందస్తుగా హెచ్చరికలు జారీ చేసినప్పటికీ, కొందరు మందుబాబులు రోడ్లపైకి వచ్చి డ్రంక్ అండ్ డ్రైవ్‌లో పోలీసులకు చిక్కారు.
హైదరాబాద్ నగరంలో న్యూ ఇయర్ సందర్భంగా పోలీసులు డ్రంక్ అండ్ డ్రైవ్ తనిఖీలు చేపట్టారు.
ఈ తనిఖీల సందర్భంగా పలు ప్రాంతాల్లో ట్రాఫిక్ పోలీసులతో మందుబాబులు వాగ్వాదానికి దిగారు.
వివరాలు
మందుబాబుల పరుగులు
నగర వ్యాప్తంగా మొత్తం 1184 డ్రంక్ అండ్ డ్రైవ్ కేసులు నమోదయ్యాయి.
వీటిలో ఈస్ట్ జోన్‌లో అత్యధికంగా 236 కేసులు నమోదుకాగా, సౌత్ ఈస్ట్ జోన్‌లో 192, వెస్ట్ జోన్‌లో 179, సౌత్ వెస్ట్ జోన్‌లో 179, నార్త్ జోన్‌లో 177, సెంట్రల్ జోన్‌లో 102 కేసులు నమోదైనట్లు పోలీసులు వెల్లడించారు.
మరోవైపు, హైదరాబాద్‌లోని వెంగళరావు పార్క్ వద్ద డ్రంక్ అండ్ డ్రైవ్ తనిఖీల్లో ఓ వ్యక్తి పట్టుబడ్డాడు.
అతనికి నిర్వహించిన శ్వాస పరీక్షలో 550 పాయింట్లు వచ్చినట్లు పోలీసులు తెలిపారు.
ఇక రోడ్లపై పోలీసుల తనిఖీలను చూసి, కొందరు మందుబాబులు తమ బైక్‌లను వదిలేసి పారిపోవడానికి ప్రయత్నించగా, పోలీసులు వారిని పట్టుకున్నారు.