Narendra Modi: భారత్-ఫ్రాన్స్ భారీ రక్షణ ఒప్పందం.. 26 రాఫెల్-ఎం ఫైటర్లు, 3 స్కార్పీన్‌ సబ్‌మెరిన్ల కొనుగోలు
ఈ వార్తాకథనం ఏంటి
భారత్-ఫ్రాన్స్ మధ్య భారీ రక్షణ ఒప్పందం తుదిదశకు చేరుకుంది.
సుమారు రూ. 1 లక్ష కోట్ల విలువైన ఈ ఒప్పందంలో 26 రాఫెల్ మెరైన్‌ ఫైటర్‌ జెట్లు, మూడు స్కార్పీన్‌ సబ్‌మెరిన్ల కొనుగోలు ప్రతిపాదనలు వచ్చాయి.
ప్రధానమంత్రి నరేంద్ర మోదీ ప్యారిస్‌లో ఫ్రాన్స్ అధ్యక్షుడు ఇమ్మానుయేల్ మాక్రాన్‌తో సమావేశమయ్యే ముందు ఈ కీలక ఒప్పందానికి గ్రీన్ సిగ్నల్ ఇచ్చారు.
టైమ్స్ ఆఫ్ ఇండియా కథనం ప్రకారం, భారత నౌకాదళానికి రాఫెల్-ఎం ఫైటర్‌ జెట్లు అందించేందుకు రూ. 63,000 కోట్ల విలువైన ఒప్పందం కేబినెట్‌ కమిటీ ఆన్‌ సెక్యూరిటీ ఆమోదం కోసం వేచి ఉంది.
Details
మోదీ విదేశీ పర్యటన అనంతరం ఒప్పందానికి గ్రీన్ సిగ్నల్
ఇక రూ. రూ.33,500 కోట్ల వ్యయంతో మూడు డీజిల్-ఎలక్ట్రిక్‌ స్కార్పీన్‌ సబ్‌మెరిన్ల నిర్మాణానికి సంబంధించిన ప్రాజెక్ట్‌ మజగావ్‌ డాక్స్‌లో ఫ్రాన్స్ నేవల్‌ గ్రూప్‌తో కలిసి చేపట్టనున్నారు.
మంత్రిత్వశాఖల మధ్య చర్చలు పూర్తయిన తర్వాత దీనికీ CCS ఆమోదం పొందనుంది.
భారత ప్రధాని నరేంద్ర మోదీ ఫ్రాన్స్, అమెరికా పర్యటన నుంచి తిరిగొచ్చిన తర్వాత CCS ఈ ఒప్పందంపై నిర్ణయం తీసుకోనుందని సమాచారం.
స్కార్పీన్‌ సబ్‌మెరిన్ల ఒప్పందంలో ధర విషయంలో చర్చలు కొంతకాలం కొనసాగాయి.
కానీ ప్రస్తుతం తుది దశకు చేరుకున్నాయి. మార్చి 31నాటికి ఈ రెండు ఒప్పందాలను కుదుర్చే ప్రయత్నం జరుగుతోంది.
Details
రెండు దేశాల మధ్య కీలక చర్చలు
ఇక భారత్-ఫ్రాన్స్ మధ్య రక్షణ రంగంలో మరిన్ని కీలక చర్చలు జరుగుతున్నాయి.
భారత మూడో తరం స్టెల్త్‌ ఫైటర్‌ ప్రాజెక్ట్‌కు సంబంధించి 110 కిలోమీటర్ల జెట్‌ ఇంజిన్‌ను అభివృద్ధి చేయడంలో ఫ్రాన్స్‌కు చెందిన సఫ్రాన్ కంపెనీ, భారత రక్షణ పరిశోధనా సంస్థ మధ్య భాగస్వామ్యం పై చర్చలు జరుగుతున్నాయి.
రాఫెల్-ఎం ఒప్పందంలో ఆయుధాలు, సిమ్యులేటర్లు, సిబ్బంది శిక్షణ, ఐదేళ్ల ప్రదర్శన ఆధారిత లోజిస్టిక్‌ మద్దతు ఉంటాయి. స్కార్పీన్‌ సబ్‌మెరిన్ల ఒప్పందంలో మొదటి నౌకను ఒప్పందం కుదుర్చుకున్న ఆరు సంవత్సరాల తర్వాత అందించనున్నారు.
మిగతా రెండు సంవత్సరానికి ఒకటి చొప్పున డెలివరీ కానున్నాయి.
DRDO అభివృద్ధి చేసిన ఫ్యూయల్‌ సెల్‌ ఆధారిత ఎయిర్‌ ఇండిపెండెంట్‌ ప్రొపల్షన్‌ వ్యవస్థను ఇందులో చేర్చడం ప్రస్తుత ఒప్పందంలో లేదు.
Details
పారిస్‌లో మోదీ-మాక్రాన్ భేటీ
పారిస్‌లో జరిగిన ఆహ్వాన విందులో ఫ్రాన్స్ అధ్యక్షుడు మాక్రాన్ భారత ప్రధాని మోదీకి స్వాగతం పలికారు.
ఈ సందర్భంగా మోదీ సోషల్ మీడియాలో స్పందిస్తూ, తన మిత్రుడు మాక్రాన్‌ను పారిస్‌లో కలుసుకోవడం ఆనందంగా ఉందని పేర్కొన్నారు.
ఈ భేటీలో అమెరికా ఉపాధ్యక్షుడు జేడి వాన్స్‌ కూడా పాల్గొన్నారు. మూడు రోజుల ఫ్రాన్స్ పర్యటనలో భాగంగా మోదీ మాక్రాన్‌తో ద్వైపాక్షిక చర్చలు నిర్వహించనున్నారు.
ఫ్రాన్స్‌తో భారత సంబంధాలను మరింత పటిష్ఠం చేయడానికి ఈ పర్యటన కీలకంగా మారనుంది.