IndiGo: ఫెయింజల్‌ తుఫాను కారణంగా ఇండిగో విమానానికి తప్పిన ముప్పు (వీడియో)
బంగాళాఖాతంలో ఏర్పడిన ఫెయింజల్‌ తుఫాను కారణంగా తమిళనాడులో భారీ వర్షాలు కురుస్తున్నాయి. ఈ వర్షాల ప్రభావంతో రాష్ట్రంలోని అనేక ప్రాంతాల్లో వరదలు పొర్లిపడుతున్నాయి. చెన్నై విమానాశ్రయానికి కూడా నీరు చేరింది. దీంతో రన్‌వేలు నీటిలో జారిపోవడంతో విమానాల ల్యాండింగ్‌కు తీవ్ర ఇబ్బందులు ఎదురయ్యాయి. ఈ క్రమంలో ఇండిగో ఎయిర్‌లైన్స్‌కు చెందిన ఒక విమానం చెన్నై విమానాశ్రయానికి ల్యాండ్ అవ్వడానికి ప్రయత్నించింది. అయితే వాతావరణ పరిస్థితులు అనుకూలించకపోవడంతో విమానం తిరిగి గాల్లోకి ఎగిరింది.
ఇండిగో ఎయిర్ లైన్స్ విమాన సేవలు తిరిగి ప్రారంభం
ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్‌ అవుతోంది. వాతావరణ పరిస్థితులు మెరుగుపడిన తర్వాత, ఆదివారం ఉదయం ఇండిగో ఎయిర్‌లైన్స్ విమాన సేవలు తిరిగి ప్రారంభించింది. శనివారం సాయంత్రం తమిళనాడు తీరం వద్ద ఫెయింజల్‌ తుఫాను తాకింది, అది గంటకు 90 కిలోమీటర్ల వేగంతో గాలులు వీస్తున్నాయి. కుండపోత వర్షాలతో పాటు, పుదుచ్చేరిలో పర్యాటక ప్రాంతాలను మూసివేశారు.
