కేరళలో మైకుపై కేసు నమోదు.. సీఎం ప్రసంగంలో మొరయించిందని పరికరం స్వాధీనం
ఈ వార్తాకథనం ఏంటి
కేరళ సీఎం పినరయి విజయన్‌ సభలో 'మైక్' కాసేపు పనిచేయని ఘటన ఆ రాష్ట్రంలో రాజకీయం దుమారం రేపుతోంది. ఈ మేరకు పోలీసులు కేసు నమోదు చేయడంపై ప్రతిపక్ష కాంగ్రెస్ తీవ్రంగా ఖండించింది. మాజీ ముఖ్యమంత్రి ఊమెన్‌ చాందీ జులై 18న మరణించారు. ఆయన సంస్మరణ సభను సోమవారం తిరువనంతపురంలోని అయ్యంకాళి హాల్‌లో కేరళ ప్రదేశ్‌ కాంగ్రెస్ కమిటీ (KPCC) ఆధ్వర్యంలో నిర్వహించారు. కార్యక్రమంలో ముఖ్యఅతిథిగా పాల్గొన్న సీఎం పినరయి ప్రసంగాన్ని ప్రారంభించారు. ఇదే సమయంలో స్వల్ప వ్యవధిలో పెద్ద శబ్దంతో మైక్ మొరాయించింది. దీనిపై కంటోన్మెంట్‌ పోలీసులు మంగళవారం కేసు నమోదు చేశారు. విచారణలో భాగంగా మైక్ ఆపరేటర్‌ నుంచి వాంగ్మూలం తీసుకుని మైక్ సహా యాంప్లీఫైర్‌(AMPLIFER)ను స్వాధీనం చేసుకున్నారు.
details
బుధవారం కేసును మూసేసినట్లు ప్రకటించిన పోలీసులు
ఈ నేపథ్యంలో స్పందించిన కాంగ్రెస్, మైక్ మొరాయిస్తే స్వాధీనం చేసుకోవడం ఏమిటంటూ ఆగ్రహం వ్యక్తం చేసింది. సభలో ప్రసంగానికి కాసేపు అంతరాయం కలిగినందుకే మైక్ పైనే కేసు పెడతారా అంటూ మండిపడింది. మరోవైపు ఉన్నతాధికారుల ఆదేశాల మేరకే కేసు నమోదు చేసినట్లు స్థానిక పోలీసులు పేర్కొన్నారు. మైకులో ఏర్పడిన సాంకేతిక సమస్యలను తెలుసుకునేందుకే స్వాధీనం చేసుకున్నట్లు వెల్లడించారు. పోలీసుల అత్యుత్సాహంపై ఆశ్చర్యానికి గురిచేసిందని మైకు ఆపరేటర్‌ ఆందోళన వ్యక్తం చేశారు. మాజీ ప్రధాని మన్మోహన్‌, రాహుల్‌ గాంధీ సభలకూ తానే మైకులను ఏర్పాటు చేసినా, ఎప్పుడూ ఎటువంటి సమస్యలు రాలేదన్నాడు. ఈ సంఘటనపై సామాజిక మాధ్యమాల్లోనూ పోలీసుల తీరుకు కౌంటర్లు ఇస్తున్నారు. మరోవైపు ఈ కేసును బుధవారమే మూసేసినట్లు పోలీసులు తాజాగా ప్రకటించారు.