CM Chandrababu: ఏపీ బడ్జెట్ సమావేశాల ముందు సీఎం కీలక సమావేశం.. ఫైళ్ల క్లియరెన్స్, పథకాల అమలుపై సమీక్ష
ఈ వార్తాకథనం ఏంటి
ఈ నెల 24వ తేదీ నుంచి ప్రారంభం కానున్న ఆంధ్రప్రదేశ్ అసెంబ్లీ బడ్జెట్ సమావేశాల నేపథ్యంలో సీఎం నారా చంద్రబాబు నాయుడు ఇవాళ ఉదయం సచివాలయంలో మంత్రులు, అన్ని శాఖల కార్యదర్శులతో సమీక్ష నిర్వహించారు.
ముఖ్యంగా రాష్ట్రంలో పాలనా వ్యవహారాలపై సీఎం చంద్రబాబు నాయుడు ప్రత్యేక దృష్టి సారించారు. ఫైళ్ల క్లియరెన్స్, పెండింగ్ ఫైళ్ల పరిష్కారం, ఇతర కీలక పరిపాలనా అంశాలపై సమీక్ష నిర్వహించారు.
పాలనలో వేగం పెంచే అంశాలతో పాటు వాట్సాప్ గవర్నెన్స్, స్వర్ణాంధ్ర 2047 లక్ష్యాలపై స్పష్టమైన దిశానిర్దేశం చేసే అవకాశం ఉంది.
అదనంగా సంక్షేమ పథకాల అమలు, సూపర్ సిక్స్ హామీల అమలుపై మంత్రులు, కార్యదర్శులతో చర్చ జరిపారు.
Details
భవిష్యత్ ప్రణాళికపై చర్చ
సమావేశానికి సీఎం చంద్రబాబు నాయుడుతో పాటు మంత్రులు, అన్ని శాఖల కార్యదర్శులు హాజరయ్యారు.
దీంతో సచివాలయంలోని సమావేశ మందిరంలో అధికారులు ప్రత్యేక ఏర్పాట్లు చేశారు.
సమావేశానికి వచ్చే ప్రతి ఒక్కరికీ ఎటువంటి ఇబ్బందులు కలగకుండా ముందస్తు జాగ్రత్తలు తీసుకోవాలని సాధారణ పరిపాలన శాఖ ముఖ్య కార్యదర్శి మీనా సూచించారు.
ప్రోటోకాల్ ప్రకారం సీటింగ్ ఏర్పాట్లు చేయడంతో పాటు, ఆయా శాఖల మంత్రులకు వారి కార్యదర్శులు అందుబాటులో ఉండేలా చర్యలు చేపట్టారు.
అన్ని శాఖల కార్యదర్శులు తమ శాఖలకు సంబంధించిన ప్రగతి నివేదికలు, భవిష్యత్తు ప్రణాళికలను పవర్ పాయింట్ ప్రజంటేషన్ ద్వారా సమావేశంలో వివరించనున్నారు.
Details
రెండు సెషన్లుగా సమావేశం
దీనికోసం టీవీలు, మైకులు ఏర్పాటు చేయడంతో పాటు విద్యుత్ అంతరాయం లేకుండా ప్రత్యేక ఏర్పాట్లు చేశారు.
సమావేశానికి హాజరయ్యే వారిని స్వాగతించేలా ఫ్లెక్సీలు, బ్యాక్ డ్రాప్ట్ బోర్డులు సిద్ధం చేశారు.
సమావేశ మందిరాన్ని తీర్చిదిద్దడమే కాకుండా, భోజనాల ఏర్పాట్లను కూడా పూర్తి చేశారు.
ఈ సమావేశం రెండు సెషన్లుగా నిర్వహించనున్నారు.
తొలి సెషన్‌లో ఫైళ్ల క్లియరెన్స్, జీఎస్‌డీపీపై చర్చ జరగనుండగా, రెండో సెషన్‌లో కేంద్ర బడ్జెట్, రాష్ట్ర బడ్జెట్‌పై అధికారులతో ముఖ్యమంత్రి సమీక్ష నిర్వహించనున్నారు.
సమావేశ ఏర్పాట్లను సాధారణ పరిపాలన శాఖ ప్రోటోకాల్ అధికారులు, ఐ అండ్ పీఆర్ అధికారులు పర్యవేక్షిస్తున్నారు.