Kolkata: మెడికల్ కాలేజీ ప్రిన్సిపాల్ రాజీనామా.. కొనసాగుతున్న సమ్మె
ఈ వార్తాకథనం ఏంటి
పశ్చిమ బెంగాల్ రాజధాని కోల్‌కతాలోని ఆర్‌జి కర్ మెడికల్ కాలేజీ అండ్ హాస్పిటల్‌లో మహిళా ట్రైనీ డాక్టర్‌పై అత్యాచారం చేసి, ఆపై హత్య చేయడంపై కలకలం రేగుతోంది.
మరోవైపు మెడికల్ కాలేజీ ప్రిన్సిపాల్ సందీప్ ఘోష్ తన పదవికి రాజీనామా చేశారు.
తమ సహోద్యోగిని హత్య చేసినప్పటి నుండి రెసిడెంట్ వైద్యులు నిరసనలు చేస్తున్నారు.
ఈ సమయంలో ప్రిన్సిపాల్ రాజీనామా చేయాలనే డిమాండ్ కూడా వచ్చింది. దీంతో ఆయనపై ఒత్తిడి పెరిగి ఈరోజు రాజీనామా చేశారు.
రాజీనామా ప్రకటన తర్వాత, సందీప్ ఘోష్ మీడియాతో మాట్లాడారు.
ట్విట్టర్ పోస్ట్ చేయండి
ప్రిన్సిపాల్ రాజీనామా
#BreakingNews: Principal of RG Kar medical college, Sandip Ghosh, resigns from the position amidst the ongoing investigation. @KamalikaSengupt shares more with @anjalipandey06 | #WestBengal #Doctor #RGKarMedicalCollege pic.twitter.com/GTKqmOnZf4
— News18 (@CNNnews18) August 12, 2024
వివరాలు
మహిళా డాక్టర్‌పై అత్యాచారం-హత్య -సమ్మె
"సోషల్ మీడియాలో నాపై దుష్ప్రచారం చేస్తున్నారు.. నా గురించి ఏదేదో మాట్లాడుతున్నారు.. చనిపోయిన డాక్టర్ నా కూతురే.. ఒక పేరెంట్‌గా రాజీనామా చేయడం సరైనదని భావిస్తున్నా.. ఇకపై ఎవరికీ ఇలాంటివి జరగకూడదని కోరుకుంటున్నాను" అని అన్నారు.
కోల్‌కతాలో మహిళా వైద్యురాలిపై అత్యాచారం, హత్య ఘటనపై వైద్యులు ఆగ్రహం వ్యక్తం చేశారు.
శుక్రవారం నుండి నిరసన కొనసాగుతోంది. దేశవ్యాప్తంగా రెసిడెంట్ వైద్యులు సమ్మెను ప్రకటించారు.
మహారాష్ట్ర నుంచి ఢిల్లీ వరకు వైద్యులు సమ్మెకు దిగడంతో రోగులు తీవ్ర ఇబ్బందులు పడుతున్నారు.
జూనియర్ డాక్టర్లు, ట్రైనీ, పోస్ట్ గ్రాడ్యుయేట్ ట్రైనీ డాక్టర్ల సమ్మె సోమవారం వరుసగా నాలుగో రోజు కొనసాగడంతో ఆసుపత్రుల్లో సేవలు నిలిచిపోయాయి.
వివరాలు
అసలు ఏమి జరిగింది ?
పోలీసులు తెలిపిన వివరాల ప్రకారం.. మహిళా డాక్టర్ శుక్రవారం తెల్లవారుజామున ఆస్పత్రిలోని సెమినార్ హాల్‌లో విశ్రాంతి తీసుకుంటున్నారు.
ఆ తర్వాత ఓ ఆసుపత్రి వాలంటీర్ మద్యం మత్తులో ఆమెపై అత్యాచారం చేసి ఆపై హత్య చేశాడు. రాత్రి భోజనం చేసి విశ్రాంతి తీసుకునేందుకు మహిళ ఇక్కడికి వచ్చింది.
హత్య చేసిన అనంతరం నిందితుడు అక్కడి నుంచి తన ఇంటికి వెళ్లాడు. అయితే, ఈ సమయంలో అతని బ్లూటూత్ హెడ్‌ఫోన్‌లు అక్కడే ఉండిపోయాయి.
శుక్రవారం సెమినార్ హాలులో మహిళా వైద్యురాలి మృతదేహం లభ్యం కావడంతో కలకలం రేగింది.
ఈ విషయంపై పోలీసులకు సమాచారం అందించగా,శనివారం (ఆగస్టు 10) సాయంత్రానికి నిందితుడిని అరెస్టు చేశారు.
అయితే,అప్పటికి వైద్యులు నిరసనకు దిగారు.