కూల్ రూఫ్ విధానాన్ని ప్రారంభించిన కేటీఆర్; దేశంలో మొదటి రాష్ట్రంగా నిలిచిన తెలంగాణ
ఈ వార్తాకథనం ఏంటి
తెలంగాణ కూల్ రూఫ్ పాలసీని సోమవారం మున్సిపల్ పరిపాలన, పట్టణాభివృద్ధి శాఖ మంత్రి కేటీఆర్ ఆవిష్కరించారు.
అర్బన్ హీట్ ఐలాండ్ ప్రభావాన్ని తగ్గించడంతో పాటు ఇంధన వినియోగాన్ని పరిమితం చేసే లక్ష్యంగా దీన్ని ప్రారంభించారు. దీంతో కూల్ రూఫ్ పాలసీని ప్రారంభించిన దేశంలోనే మొదటి రాష్ట్రంగా తెలంగాణ అవతరించింది.
ఈ విధానం ఈ ఏడాది ఏప్రిల్ 1 నుంచి అమల్లోకి వచ్చినట్లు కేటీఆర్ పేర్కొన్నారు. ఇప్పటికే భవన నిర్మాణ అనుమతుల దరఖాస్తులతో పొందుపరచబడినట్లు చెప్పారు.
తెలంగాణ కూల్ రూఫ్ పాలసీ 2023-28 విపరీతమైన వేడిని తట్టుకునే శక్తిని పెంపొందించడానికి కూల్ రూఫ్ విధానం ఉపయోగపడుతుందని మంత్రి కేటీఆర్ పేర్కొన్నారు.
కేటీఆర్
కూల్ రూఫ్ పాలసీపై ఆధారపడటం వల్ల విద్యుత్ ఆదా: కేటీఆర్
వేడి నుంచి రక్షణ కోసం విద్యుత్‌‌ను ఇష్టం వచ్చినట్లు ఉపయోగించే బదులు, కూల్ రూఫ్ పాలసీపై ఆధారపడటం వల్ల ఇంధన వినియోగం తగ్గుతుందన్నారు. తద్వారా పర్యావరణ అనుకూల రాష్ట్రంగా తెలంగాణ మారుతుందన్నారు.
సైట్ ప్రాంతం లేదా నిర్మించిన ప్రాంతంతో సంబంధం లేకుండా అన్ని ప్రభుత్వ, ప్రభుత్వ యాజమాన్యంలోని నివాసేతర, వాణిజ్య భవనాలకు ఇప్పుడు కూల్ రూఫ్ తప్పనిసరిని కేటీఆర్ స్పష్టం చేశారు.
600 చదరపు గజాలు, అంతకంటే ఎక్కువ ప్లాట్ ఏరియా ఉన్న నివాస భవనాలకు కూల్ రూఫ్ అప్లికేషన్ తప్పనిసరి చేసినట్లు పేర్కొన్నారు.
600 చదరపు గజాల కంటే తక్కువ ఉన్న వారు వారి ఇష్టానుసారం కూల్ రూఫ్ పాలసీని ఎంచుకోవచ్చని వివరించారు.