మధ్యప్రదేశ్‌‌లో అమానుషం.. నిరసన తెలిపిన మహిళను జుట్టి పట్టి ఈడ్చుకెళ్లిన పోలీసులు
ఈ వార్తాకథనం ఏంటి
మధ్యప్రదేశ్‌ రాష్ట్రంలో మహిళా పోలీసులు అరాచకం సృష్టించారు. ఓ మహిళ పట్ల అమానవీయంగా ప్రవర్తించి మరోసారి పోలీసులు కఠిన మనస్కులు అనిపించుకున్నారు.
కట్నీ జిల్లా కౌరియాకు చెందిన చైనా బాయ్‌ కచి (40 సంవత్సరాలు) మహిళకు చెందిన స్థలంలో విద్యుత్ టవర్ ఏర్పాటుకు సర్కార్ నిర్ణయించింది.
ఈ మేరకు అనుమతి లేకుండా తన స్థలంలో కరెంట్ పనులు చేస్తున్నారని మహిళ ఆందోళన వ్యక్తం చేసింది. అయితే తనకు ఇందుకు సంబంధించి నష్టపరిహారం ఇవ్వాలని కోరారు.
మహిళ గోడును ఏమాత్రం వినిపించుకోని అధికారులు క్రమేపీ HT లైన్ - టవర్ నిర్మాణ పనులను ప్రారంభించారు. ఈ నేపథ్యంలోనే బంధువులతో కలిసి విద్యుత్ టవర్ నిర్మాణ పనులను అడ్డుకున్నారు.
DETAILS
అన్ని శాఖల అధికారులు కలిసి నా భూమిని ఆక్రమించుకుంటున్నారు : బాధితురాలు
విద్యుత్ శాఖ అధికారుల సమాచారం మేరకు పోలీసులు రంగ ప్రవేశం చేశారు. అనంతరం బాధితురాలిని సముదాయించకుండా, ఏకపక్షంగా బలప్రయోగం చేశారు.
ఖాకీ దుస్తులు ఉన్నాయి కదా అని ఆ మహిళ జుట్టు పట్టి అక్కడి నుంచి ఈడ్చుకుంటూ తీసుకెళ్లారు. ఈ మేరకు స్థానికులు ఈ ఘటనను తమ ఫోన్లలో రికార్డ్ చేశారు. అనంతరం సోషల్‌ మీడియాలో పోస్ట్ చేయగా వైరల్‌గా మారింది.
దీనిపై స్పందించిన ఉన్నతాధికారులు,టవర్ నిర్మాణ పనులు అడ్డుకోవడం వల్లే ఆమెను అదుపులోకి తీసుకున్నట్లు చెప్పుకొచ్చారు.చట్టప్రకారమే వ్యవహరించామని సీనియర్‌ ఉన్నతాధికారి మనోజ్‌ కేడియా చెప్పారు.
మరోవైపు నష్టపరిహారం ఇవ్వకుండానే పనులు మొదలుపెట్టారని బాధితురాలు వాపోయారు. కాంట్రాక్టర్లతో కలిసిన విద్యుత్ అధికారులు, రెవెన్యూ చివరకు పోలీసులు కూడా తన భూమిని ఆక్రమించుకునేందుకే చూస్తున్నారన్నారు.