Nitish Kumar: సోషల్ మీడియాలో నితీష్ కుమార్ను కాల్చి చంపుతామని బెదిరించిన యువకుడి అరెస్టు
బిహార్ ముఖ్యమంత్రి నితీష్ కుమార్ను సోషల్ మీడియాలో బెదిరింపులకు గురిచేసినందుకు 25 ఏళ్ల యువకుడిని పోలీసులు అరెస్టు చేశారు. ముంబైలో డిప్లొమా కోర్సు చదువుతున్న విశేష్ చతుర్వేది అనే నిందితుడు ఇటీవల సోషల్ మీడియాలో నితీష్ కుమార్ను కాల్చేస్తానని బెదిరించాడు. ఈ వీడియో గురించి ఫిబ్రవరి 14న తనకు తెలిసిందని,వెంటనే కొత్వాలి పోలీస్ స్టేషన్లో కేసు నమోదు చేశామని డిప్యూటీ సూపరింటెండెంట్ ఆఫ్ పోలీస్ లా అండ్ ఆర్డర్ (పాట్నా) కృష్ణ మురారి ప్రసాద్ తెలిపారు. నిందితుడిని సోమవారం రాత్రి పాట్నా శివార్లలోని బార్హ్లోని అతని ఇంటి నుండి ట్రాక్ చేసి అరెస్టు చేసినట్లు పోలీసులు తెలిపారు. ప్రధాన నిందితుడిని పోలీసులు కోర్టు ముందు ప్రవేశపెట్టారని, అతన్ని జైలుకు పంపుతున్నారని ప్రసాద్ తెలిపారు.