MEIL: తెలంగాణలో మెఘా ఇంజనీరింగ్ కంపెనీతో మూడు కీలక ఒప్పందాలు..
ఈ వార్తాకథనం ఏంటి
దావోస్‌లో జరిగిన ప్రపంచ ఆర్థిక వేదిక సందర్భంగా తెలంగాణ ప్రభుత్వం మెఘా ఇంజనీరింగ్ (MEIL) సంస్థతో మూడు ప్రధాన ఒప్పందాలను కుదుర్చుకుంది.
ఈ ఒప్పందాలు రాష్ట్రంలో పెద్ద ఎత్తున పెట్టుబడులు, అధిక ఉద్యోగ అవకాశాలు, అలాగే సుస్థిర ఇంధన పరిశ్రమలకు పునాదులను వేస్తాయి.
ఈ ఒప్పందాలు రాష్ట్రంలోని పర్యాటక రంగం, ఇంధన రంగం, ఉపాధి అవకాశాలను మరింత అభివృద్ధి చేయడంలో సహాయపడతాయని పరిశ్రమల మంత్రి దుద్దిళ్ల శ్రీధర్ బాబు వ్యాఖ్యానించారు.
వివరాలు
2160 మెగావాట్ల పంప్డ్ స్టోరేజ్ ఇంధన ప్రాజెక్ట్
తెలంగాణ రాష్ట్రంలో 2160 మెగావాట్ల పంప్డ్ స్టోరేజ్ ఇంధన ఉత్పత్తి ప్రాజెక్టును ఏర్పాటు చేయడానికి మెఘా ఇంజనీరింగ్ కంపెనీతో తెలంగాణ ప్రభుత్వం పరస్పర అవగాహన ఒప్పందం (MOU) కుదుర్చుకుంది.
ఈ ప్రాజెక్టుకు దాదాపు ₹11,000 కోట్ల పెట్టుబడులు పొందడం జరుగుతుంది.
నిర్మాణ దశలో 1,000 మందికి ఉపాధి కల్పించబడుతుంది, ప్రాజెక్టు ప్రారంభమైన తర్వాత 250 మందికి ఉద్యోగ అవకాశాలు లభిస్తాయి.
ఈ ప్రాజెక్టు ద్వారా తెలంగాణ ప్రభుత్వం 2025 క్లీన్ అండ్ గ్రీన్ ఎనర్జీ లక్ష్యాలు సాధించబడతాయి.
వివరాలు
బ్యాటరీ ఎనర్జీ స్టోరేజ్ సిస్టమ్ ప్రాజెక్ట్
మెఘా ఇంజనీరింగ్ సంస్థ ఆధునిక బ్యాటరీ ఎనర్జీ స్టోరేజ్ సిస్టమ్ ప్రాజెక్టులను అభివృద్ధి చేయడానికి రాష్ట్ర ప్రభుత్వంతో ఒప్పందం కుదుర్చుకుంది.
రాష్ట్రవ్యాప్తంగా 100 మెగావాట్ల బ్యాటరీ స్టోరేజ్ వ్యవస్థలను నెలకొల్పడం కోసం రూ. 3,000 కోట్ల పెట్టుబడులు పెట్టనుంది.
ఈ ప్రాజెక్టు ద్వారా రెండు సంవత్సరాల లోపు 1,000 మందికి ప్రత్యక్ష ఉపాధి, 3,000 మందికి పరోక్ష ఉపాధి లభిస్తుంది.
ఇది ఇంధన నిల్వ, గ్రిడ్ స్థిరత్వం, పీక్ లోడ్ నిర్వహణలో కీలక పాత్ర పోషిస్తుంది.
వివరాలు
ప్రపంచ స్థాయి లగ్జరీ వెల్నెస్ రిసార్ట్
పర్యాటక రంగంలో మెఘా ఇంజనీరింగ్ మరో కీలక పెట్టుబడి చేస్తోంది.
అనంతగిరిలో ప్రపంచ స్థాయి లగ్జరీ వెల్నెస్ రిసార్ట్‌ను నిర్మించేందుకు ఈ సంస్థ ప్రభుత్వంతో ఒప్పందం కుదుర్చుకుంది.
ఈ ప్రాజెక్టు కోసం ₹1,000 కోట్ల పెట్టుబడులు పెట్టాలని నిర్ణయించింది. నిర్మాణ దశలో 2,000 మందికి ఉద్యోగ అవకాశాలు కల్పిస్తామని వెల్లడించారు.