Gurugram: గురుగ్రామ్ లో దారుణం.. 14 ఏళ్ళ బాలిక గొంతు కోసి పారిపోయిన దుండగుడు
ఈ వార్తాకథనం ఏంటి
వ్యక్తిగత కక్షల కారణంగా 14 ఏళ్ళ బాలికను గొంతు కోసి దారుణంగా హత్య చేసిన ఘటన హర్యానాలోని గురుగ్రామ్‌లో చోటు చేసుకుంది.
హత్యానంతరం ఆమె మృతదేహాన్ని నిందితుడు తన గదిలో దాచిపెట్టి పారిపోయాడని పోలీసులు సోమవారం తెలిపారు.
గురుగ్రామ్‌లోని సిలోఖ్రా గ్రామంలో గ్యానీ థాపా,బహదూర్ నివాసాలు పక్కపక్కనే ఉన్నాయి.
ఫిబ్రవరి 9న రాత్రి 9 గంటల సమయంలో కామన్ టాయిలెట్ నుండి సబ్బు తీసుకురావడానికి వెళ్ళిన బాలిక తిరిగి రాకపోవడంతో కుటుంబసభ్యులు వెతకడం ప్రారంభించారు.
అదే సమయంలో నిందితుడు బహదూర్ తన గది బయట నిలబడి ఉన్నాడు. బాలిక తండ్రి గ్యానీ థాపా తన కుమార్తె గురించి అడిగినప్పుడు, బహదూర్ బాలిక ఆహారం కొనడానికి బయటకు వెళ్లిందని తెలిపాడు.
Details
పదునైన ఆయుధంతో బాలిక గొంతు కోసిన నిందితుడు
అయితే తండ్రికి అనుమానం వచ్చి బహదూర్ గదిలో చూడాలని డిమాండ్ చేశాడు. బహదూర్ తిరస్కరించడంతో , థాపా బలవంతంగా అతని గదిలోకి ప్రవేశించాడు.
అక్కడ, దుప్పటిలో చుట్టి ఉన్న తన కుమార్తె మృతదేహాన్ని కనుగొన్నాడని, పోలీసులు తెలిపారు. దీంతో బహదూర్ అక్కడి నుంచి పారిపోయి పరారీలో ఉన్నాడు.
పోలీసు బృందం బాధితురాలి ఇంటికి చేరుకుని మృతదేహాన్ని వెలికితీశారు. నిందితుడు పదునైన ఆయుధంతో బాలిక గొంతు కోసాడు.
తండ్రి ఫిర్యాదు ఆధారంగా బహదూర్‌పై భారత శిక్షాస్మృతి (ఐపిసి) సెక్షన్ 302 (హత్య) కింద సోమవారం ఎఫ్‌ఐఆర్ నమోదు చేసినట్లు పిటిఐ నివేదించింది.
Details
ఆరు నెలల వీరి కుటుంబాల మధ్య వివాదం
ఆరు నెలల ముందు బహదూర్ మొబైల్ ఫోన్, నగదును దొంగిలించాడని థాపా పై ఆరోపణలు చేశాడు. అప్పటి నుండి వీరి కుటుంబాల మధ్య వివాదం ప్రారంభమయ్యింది.
బాధితురాలి తండ్రి థాపా తన ఫిర్యాదులో తాను వేరే అద్దె ఇంట్లోకి మకాం మార్చాడని, అయితే బహదూర్ కూడా అక్కడికే అద్దెకు వచ్చాడని పేర్కొన్నాడు.
నిందితుడి అరెస్టు తర్వాతే హత్య వెనుక ఉద్దేశం స్పష్టంగా తెలుస్తుందని స్టేషన్ హౌస్ ఆఫీసర్ (ఎస్‌హెచ్‌ఓ) మనోజ్ కుమార్ తెలిపారు.
నిందితుడిని వీలైనంత త్వరగా పట్టుకునేందుకు ప్రయత్నిస్తున్నామని తెలిపారు.