ప్రధాని మోదీ అమెరికా పర్యటన: షెడ్యూల్ ఇదే
ఈ వార్తాకథనం ఏంటి
ప్రధాని నరేంద్ర మోదీ బుధవారం నుంచి శనివారం(21-24) వరకు అమెరికాలో పర్యటించనున్నారు. ప్రధాని మోదీకి స్వాగతం పలికేందుకు వేలాది మంది ప్రవాసులు ఎదురు చూస్తున్నారు. ఈ క్రమంలో ప్రధాని మోదీ అమెరికా పర్యటన షెడ్యూల్ గురించి ఒకసారి తెలుసుకుందాం.
ప్రధాని మోదీ అమెరికా టూర్ 2023లో భారత అత్యంత ముఖ్యమైన దౌత్య పర్యటనలలో ఒకటిగా నిలిచిపోనుంది.
అమెరికా- చైనాల మధ్య వివాదాల నేపథ్యంలో భారతదేశం ఒక ప్రధాన ఆర్థిక, భౌగోళిక రాజకీయ శక్తిగా ఎదుగుతున్న సమయంలో ప్రధాని చేస్తున్న ఈ పర్యటన అంతర్జాతీయంగా ప్రాధాత్యనను సంతరించుకున్నది.
అమెరికా అధ్యక్షుడు జో బైడెన్ ప్రత్యేక ఆహ్వానం మేరకు ప్రధాని మోదీ యూఎస్ పర్యటనకు వెళ్తున్నారు.
అమెరికా
21న యోగా డే, 22న బైడెన్‌తో భేటీ
ఈ నెల 21వ తేదీన న్యూయార్క్‌లోని ఐక్యరాజ్య సమితి (యూన్) ప్రధాన కార్యాలయంలో 9వ అంతర్జాతీయ యోగా దినోత్సవ వేడుకలతో ప్రధాని మోదీ షెడ్యూల్ ప్రారంభం అవుతుంది. ఉదయం 7:15 గంటలకు (స్థానిక కాలమానం ప్రకారం) యోగా సెషన్ ఉంటుంది.
ప్రధాని మోదీకి ఈ నెల 22వ తేదీన వాషింగ్టన్ డీసీలోని వైట్‌హౌస్‌లో అమెరికా అధ్యక్షుడు జో బైడెన్, అతని సతీమణి లాంఛనంగా స్వాగతం పలుకుతారు. ఆ తర్వాత బైడెన్‌తో ఉన్నత స్థాయి చర్చల్లో మోదీ పాల్గొంటారు.
ద్వైపాక్షిక చర్చల అనంతరం అదేరోజు మధ్యాహ్నం అమెరికా కాంగ్రెస్ సంయుక్త సమావేశంలో ప్రధాని మోదీ ప్రసంగిస్తారు.
అదేరోజు సాయంత్రం బైడెన్ దంపతులతో ప్రధాని మోదీ అమెరికా ప్రభుత్వం అధికారికంగా ఏర్పాటు చేసే డిన్నర్‌‌లో పాల్గొంటారు.
మోదీ
24న ఈజిప్టుకు వెళ్లనున్న మోదీ
ఈ నెల 23వ తేదీన అమెరికా వైస్ ప్రెసిడెంట్ కమలా హారిస్, విదేశాంగ కార్యదర్శి ఆంటోనీ బిల్కెన్ సంయుక్తంగా నిర్వహించే లంచ్‌లో మోదీ పాల్గొననున్నారు.
అమెరికా ప్రభుత్వం నిర్వహించే కార్యక్రమాలతో పాటు ప్రముఖ కంపెనీల సీఈఓలు, నిపుణులను మోదీ కలవనున్నారు. వారితో చర్చిచనున్నారు.
ఈ నెల 24వ తేదీన ప్రధాని మోదీ ఈజిప్టు పర్యటనకు వెళ్లనున్నారు. ఈజిప్టు అధ్యక్షుడు అబ్దెల్ ఫత్తా ఎల్-సిసి జనవరిలో భారత్‌లో పర్యటించారు.
25వ తేదీన ప్రధాని మోదీ తిరిగి భారత్‌కు పయనం అయ్యే అవకాశం ఉంది.