AP Liquor Policy: నేటి నుంచి ఏపీలో ప్రైవేటు మద్యం దుకాణాలు.. ప్రారంభం కానున్న 3396 కొత్త షాపులు..
ఈ వార్తాకథనం ఏంటి
ఆంధ్రప్రదేశ్‌లో బుధవారం నుంచి ప్రైవేటు మద్యం దుకాణాలు తెరుచుకోబోతున్నాయి.మొత్తం 3,396 దుకాణాలకు లైసెన్సుల జారీ ప్రక్రియ పూర్తయింది. లైసెన్సులు పొందిన వ్యక్తులు తమ కొత్త ప్రాంగణాల్లో బుధవారం నుంచి వ్యాపారం ప్రారంభించనున్నారు. మొదటి విడత లైసెన్సు రుసుముల కింద వారు ప్రభుత్వానికి సుమారు రూ.330 కోట్లు చెల్లించారు. ఈ దుకాణాలకు సరిపడా మద్యం నిల్వలు కోసం లైసెన్సుదారులు ఏపీఎస్‌బీసీఎల్‌కు ఆర్డర్లు ఇచ్చారు, వీటి విలువ దాదాపు రూ.350 కోట్ల నుండి రూ.400 కోట్ల వరకు ఉంటుంది. ఆర్డర్ల కోసం ఎక్సైజ్ శాఖ ప్రత్యేకంగా లాగిన్ ఐడీలు కూడా ఇచ్చింది.
వివరాలు
ప్రభుత్వ దుకాణాల ముగింపు
వైసీపీ హయాంలో గత ఐదేళ్లుగా నడుస్తున్న ప్రభుత్వ మద్యం దుకాణాలు మంగళవారంతో ముగిసాయి. రాత్రి 10 గంటలకు ఎక్సైజ్ అధికారులు అన్ని ప్రభుత్వ దుకాణాలను మూసివేశారు. మిగిలిన స్టాక్‌ను డిపోలకు, ఇతర వస్తువులను స్థానిక ఎక్సైజ్ స్టేషన్లకు బుధవారం తరలించనున్నారు. కొరుకున్న బ్రాండ్లు అందుబాటులోకి వైసీపీ హయాంలోని ప్రభుత్వ దుకాణాల్లో 'జే బ్రాండ్ల' మాత్రమే లభించేవి. వినియోగదారులు కోరుకున్న జాతీయ, అంతర్జాతీయ బ్రాండ్లు అందుబాటులో ఉండేవి కావు. కానీ ఇప్పుడు, మద్యం వ్యాపారం ప్రైవేటు చేతుల్లోకి వెళ్లడంతో వినియోగదారులు కోరుకున్న అన్ని బ్రాండ్లు అందుబాటులోకి రానున్నాయి. ఏపీఎస్‌బీసీఎల్‌ లైసెన్సుదారులు ఆర్డర్ పెట్టిన రకాలనే సరఫరా చేయడానికి సిద్ధమవుతోంది.
వివరాలు
మాదకద్రవ్యాల నియంత్రణ
రాష్ట్ర ప్రభుత్వం మద్యం మీద కొత్తగా మాదకద్రవ్యాల నియంత్రణ సుంకం (డ్రగ్ కంట్రోల్ సెస్) విధించింది, ఇది ల్యాండెడ్ కాస్ట్‌పై 2% మేర ఉంటుంది. ఈ సుంకం ద్వారా సుమారు రూ.90 కోట్ల నుండి రూ.100 కోట్ల వరకు ఆదాయం సమకూరుతుందని అంచనా. ఈ సొమ్ము గంజాయి, డ్రగ్స్‌పై నియంత్రణ, వ్యసన విముక్తి కౌన్సెలింగ్ కేంద్రాల ఏర్పాటుకు వాడబడుతుంది.